मैत्रीपूण ह्विल चियर बास्केटबल प्रतियोगिताका खेलाडीहरु पुरस्कृत
भक्तपुर, कार्तिक १७ गते
ह्विल चियर मैत्रीपूर्ण बास्केट बल प्रतियोगितामा नेपाली सेना प्रथम भएको छ भने स्प्राइनल कर्ड इन्जुरी नेटवर्क नेपाल दोश्रो भएको छ । विजयी खेलाडीहरुलाई आज पुस्कृत गर्दै भक्तपुर नगरपालिकाका उपप्रमुख रजनी जोशीले फरक क्षेमताका खेलाडीहरुको उत्कृष्ठ खेलले उर्जा थपेको चर्चा गर्दै आगामी मंसिर १७ गते हुने अपांगता दिवसको दिनमा पनि यसै खेललाई प्रस्तुत गरी अपांगता भएका व्यक्ति र परिवारहरुलाई हौसला दिलाउने बताए । अपांगता भएकाहरुले पनि उत्कृष्ठ खेल देखाउन सकेकोमा प्रशंसा गर्दै भक्तपुर नगरपालिकाले कम्तिमा वर्षको एक दिन भए पनि अपांगता भएका व्यक्तिहरुसँगै बसेर कार्यक्रम आयोजना गर्दै आएको बताउनु भयो । ८० हजार जनसँख्या भएको भक्तपुर नगरपालिका भित्र ६ सय भन्दा बढी अपांगता भएका व्यक्तिहरु रहेको उल्लेख गर्दै उपप्रमुख जोशीले तिनीहरुको सहजताकालागि क्रियाशिल रहेको बताउनु भयो ।
एभरेष्ट स्कुल मिवाछें व्यासी भक्तपुरको आयोजनामा र समानताकालागि आवाज संस्थाको समन्वयमा आयोजित एभरेष्ट ह्विलचियर बास्केटवल फे्रण्डसिप म्याच मैत्रीपूर्ण खेलमा त्रिभुवन आर्मी क्लवका रामबहादुर तामांग मस्त भ्यालुएवल प्लेयर हुनुभएको थियो ।
कार्यक्रममा आयोजक स्कुलका संस्थापक प्रिन्सिपल भक्त राजभण्डारीले खेलमा हारजित भन्दा पहिलो मित्रता हुने त्यसपछि मात्रै प्रतिस्पर्धाकोे कुरा आउने बताउनु भयो । उहाँले खेलमा राम्रो खेल्नेले जितिन्छ हार्नेले सिकिन्छ भन्नु भयो ।
विद्यालय व्यवस्थापन समितिका अध्यक्ष रामगोपाल कर्माचार्यको सभापत्तिवमा भएको सो प्रतियोगिता हुनुपूर्वभक्तपुर नगरपालिकाकी उपप्रमुख जोशीले खेलडीहरुलाई बल हस्तान्तरण गरी प्रतियोगिताको उदघाटन गर्नुभएको थियो ।
