मध्यपुर मोटरसाइलक दुर्घटनामा १को मृत्यु, १ गम्भिर घाईते
मध्यपुर, श्रावण २ गते
मध्यपुर थिमीको एस.एस. चोकमा शनिबार भएको मोटरसाईकल दुर्घटनामा एक जनाको मृत्यु र एक जना गम्भिर घाइते तथा एक जनाको सामान्य घाइते भएको जिल्ला प्रहरी कार्यालय भक्तपुरले जनाएको छ । शनिबार दिउँसो मध्यपुर थिमी नगरपालिका वडा नं. ५स्थित एस.एस.चोकबाट पेट्रोल पम्प तर्फ जाँदै गरेको प्रदेश ३–०२–०१२ प २९०५ नं. को मोटरसाईकल र नयाँठिमी चोकबाट राधेराधे तर्फ जाँदै गरेको बा.प्र.०२–०२२ प २९०६ नं. को मोटरसाईकल एक आपसमा ठक्कर खाई घाइते भएका बा.प्र.०२–०२२ प २९०६ नं. को मो.सा.चालक जिल्ला उदयपुर कटारी न.पा. २ घर भई हाल काठमाडौँ तिनकुने बस्ने वर्ष १६ को कबिर कार्कीको उपचारकोक्रममा शनिबार साँझ मृत्यु भएको प्रहरीका सूचना अधिकारी दिपक कुमार कार्कीले जनाएको छ । घाईतेहरुको उपचारको लागी मध्यपुर ठिमी अस्पताल भक्तपुर लगिएको थियो । दुघटनामा परेको दुवै सवारी साधन जिल्ला ट्राफिक प्रहरी परिसर चुनदेवी भक्तपुरको नियन्त्रणमा राखि घटनाको सम्बन्धमा थप अनुसनधान कार्य भईरहेको उहाँले जनाएको छ ।
मो.सा.पछाडी सवार जिल्ला काठमाडौँ सिनामंगल बस्ने वर्ष १९ की अलिया वि.क. गम्भिर घाईते भई थप उपचार भइरहेको र प्रदेश ३–०२–०१२प २९०५ नं.को मो.सा.चालक जिल्ला खोटाङ दिक्तेल रुपाकोट मझुवागढी न.पा. २ घर भई हाल भक्तपुर बालकोट पानी ट्याङकी बस्ने वर्ष २४ को मनिष राई डिस्चार्ज पश्चात प्रहरी वृत्त ठिमी भक्तपरको नियन्त्रणमा रहेको प्रहरीले जनाएको छ।
