गत असारमा भक्तपुरमा २४ जघन्य तथा गम्भीर अपराधका घटना
भक्तपुर, श्रावण ४ गते
जिल्ला प्रहरी कार्यालय भक्तपुरले गत असार महिनाभर भएका कार्यसम्पादनहरु बारे जानकारी दिदै आज एक प्रेस विज्ञप्ति जारी गरेको छ । जिल्लाको शान्ति सुरक्षाको समग्र प्रतिवेदन प्रस्तुत गर्दै जारी प्रेस विज्ञप्तिमा अपराध अनुसन्धान तथा नियन्त्रणतर्फ गत जेष्ठ महिनाको १९४ मुदा दर्ता भएका मध्ये ७३ वटा फर्छौट र गत असार महिनामा दर्ता भएका १४८ मुद्दाहरुमा ५२ वटा फर्छौट गरेको जनाएको छ । चालू मुद्दाका ७६ जना प्रतिवादीहरुलाई पक्राउ गरेको भक्तपुर प्रहरीमा २४ महिला र १५६ पुरुष प्रतिवादी रहेको र त्यस मध्ये २० महिला र ८४ पुरुष फरार प्रतिवादी रहेको जनाएको छ ।
जघन्य तथा गम्भीर अपराध अन्तर्गत असार महिनामा २४ वटा घटना भएको जनाउँदै प्रेस विज्ञप्तिमा भनिएको छ लागू औषधका १२, कर्तव्य ज्यानका २, जबरजस्ती करणीका ५, ज्यान मार्ने उद्योग १, जबरजस्ती करणी उद्योग २, बाल योन दुरुपयोग १ र डाँका सम्बन्धी १ घटना भएको जनाएको छ।
घरेलु हिंसाका ७ घटना भएकोमा ४ वटा शारीरिक हिंसा, ३ वटा मानसिक हिंसा रहेको भन्दै ठाडो उजुरीको संख्या २६० रहेकोमा २५८ फछ्र्यौट भएका र २ वटा बाँकी रहेको जनाएको छ।
भक्तपुर प्रहरीका सूचना अधिकारी एवं प्रहरी नायव उपरीक्षक दिपक कुमार कार्कीद्वारा जारी सो प्रेस विज्ञप्तिको विस्तृत जानकारी यस प्रकार रहेका छन् ।
