भक्तपुर प्रहरीद्वारा स्कुटर चोर पक्राउ
भक्तपुर, श्रावण ३ गते
भक्तपुर प्रहरीले स्कुटर चोरी गर्ने मानिसलाई पक्राउ गरेको छ । श्रावण १ गते साँझ ८ बजे सूर्यविनायक नगरपालिका वडा नं. ८ चुकुपुल स्थितबाट बा प्र.०२–०६४ प ६६६८ नं. को यामाहाको स्कुटर हराएको भनि प्रहरीमा परेको उजुरीमाथि अनुसन्धान गर्दा स्कुटर चोरी गर्ने व्यक्तिलाई स्कुटर सहित पक्राउ गरेको भक्तपुर प्रहरीका सूचना अधिकारी दिपककुमार कार्कीले जनाएको छ।
स्कूटर चोरी गर्ने व्यक्ति सिन्धुली मरिण गाँउपालिका वडा नं. ४ घर भई हाल जिल्ला काठमाडौँ गोकर्णेश्वर बस्ने वर्ष ३१ को माइते सिं स्याङ्तान रहेको प्रहरीले जनाएको छ । स्याङतानलाई श्रावण २ गते प्रहरी वृत्त जगाती भक्तपुरबाट खटिईएको प्रहरी टोलीले जिल्ला भक्तपुर सूर्यविनायक नगरपालिका वडा नं. १ सल्लाघारीबाट स्कुटर सहित नियन्त्रणमा लिई थप अनुसन्धान कार्य भईरहेको सूचना अधिकारी कार्कीले जनाएको छ ।
