बालकोटमा कोरोनाको त्रासः नेगेटिभ रिपोर्ट एक दिनपछि पोजेटिभ
भक्तपुर भाद्र २०गते
कोरोना नेगेटिभ रिपोर्ट आएका बालकोटका एक महिलामा फेरी रिपोर्ट पोजिटिभ आएपछि बालकोटबासीहरु त्रसित भएको खवर छ । गत भाद्र १५ गते सूर्यविनायक नगरपालिकाको स्वाव संकलन अभियान अन्तर्गत बालकोटका ३७ जनाको स्वाव संकलन गरी परीक्षण गराएका थिए । शुक्रवार साँझसम्म आएको कोरोना रिपोर्टमा सबैको नेगेटिभ भएपछि टोलबासीहरु सुखी भए तर शनिबार बिहान फेरी एक महिलाको कोरोना पोजेटिभ भएको रिपोर्ट आएपछि टोलबासी थप त्रसित भएका छन् । टेकुस्थित मोबाइल कोरोना रिपोर्ट प्रणालीमा त्रुटी भएकाले यस्तो भएको भन्दै ति महिलामा पोजेटिभ नै भएको पुष्टि गरेको सूर्यविनायक नगरपालिका नगर स्वास्थ्य समितिले जनाएको छ ।
