नेपालमा आज थप ११ सय जनामा कोरोना पुष्टि, दुई जनाको मृत्यु ।
नेपालमा थप ११ सय जनामा कोरोना भाइरसको सङ्क्रमण पुष्टि भएको छ । गत २४ घण्टामा १२ हजार ६ सय ३२ जनाको परीक्षण गर्दा १ हजार १ सय ६७ जनामा कोरोना पुष्टि भएको स्वास्थ्य तथा जनसङ्ख्या मन्त्रालयले जनाएको छ । जसमध्ये काठमाडौं उपत्यकामा मात्रै ६ सय १५ जना सङ्क्रमित थपिएका मन्त्रालयका प्रवक्ता डा. सङ्गिता मिश्राले बताउनुभयो ।
उहाँका अनुसार २४ घण्टामा २ सय २४ जना निको भएका छन् भने दुइ जना सङ्क्रमितको मृत्यु भएको छ । सङ्क्रमण दर बढ्दै गएपछि सक्रिय सङ्क्रमितको सङ्ख्या पनि बढ्दै गएको छ । आज नेपालमा ६ हजार ७ सय ५५ जना सक्रिय सङ्क्रमित रहेका पनि उहाँले बताउनुभयो । विशेषगरी भारतसँग सीमाना जोडिएका जिल्ला र काठमाडौं उपत्यकामा धेरै सङ्क्रमित थपिएका छन् ।
