कोरोना संक्रमित र निको हुने दर अहिलेसम्मकै उच्च
काठमाण्डौं, असोज १६ गते
कोरोना संक्रमित र निको हुने दरमा अहिलेसम्मकै उच्च रहेको छ।
देशभर एक्कै दिनमा आज अहिलेसम्मकै बढी कोरोना संक्रमण फैलिएको छ भने संक्रमितहरु निको हुनेको संख्यामा पनि बृद्धि भएको छ । शुक्रबार एकै दिन २ हजार ७ सय २२ जना थप कोरोना संक्रमित भएका हुन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार शुक्रबार एक्कै दिन २,७२२ जना संक्रिमत भएसँगै कुल संक्रमितको संख्या ८२,४५० पुगेको छ । उपचारमा रहेका संक्रमितहरु मध्ये शुक्रबार अहिलेसम्मकै बढी कोरोना मुक्त भएका छन् । स्वास्थ्य मन्त्रालयकाका अनुसार शुक्रबार एक्कै दिन ३ हजार ३ सय ७ जना कोरोनाबाट निको भएको बताएको छ। योसँगै कोरोना निको हुनेको संख्या ६० हजार ६ सय ९६ जना पुगेको छ । कोरोना संक्रमणबाट बिगत २४ घण्टामा थप ११ जनाको मुत्यु भएसँगै मुत्यु हुनेको संख्या ५ सय २० पुगेको छ । अहिले सक्रिय संक्रमितको संख्या २१ हजार २ सय ३४ रहेका छन् भने ४ हजार ८ सय ८५ जना क्वारेन्टिनमा छन् ।
भक्तपुर जिल्लामा पनि अहिलेसम्मकै बढी कोरोना संक्रमण पुष्टि भएको मन्त्रालयका डा.गौतमले जनाएको छ । भक्तपुर जिल्लामा एक्कै दिन १९६ जना संक्रमित पुष्टि भएका हुन भने काठमाण्डौ उपत्यकामा थप १ हजार ६ सय ३८ जना संक्रमित भएका हुन । काठमाण्डौ जिल्लाका १हजार २८०, ललितपुरका १६२ र भक्तपुरका १ सय९६ जना संक्रमित भएका हुन् ।
