जेन जी शुशिला कार्कीको नेतृत्वमा अघि बढ्ने निष्कर्षमा !
काठमाण्डौं, भाद्र २५ गते
जेन जीले पूर्व न्यायधिश शुशिला कार्कीको नेतृत्वमा अघि बढ्ने निष्कर्षमा पुगेको छ । जेन जीले आज करिब ५ घण्टा लामो भर्चुयर बैठक गरी कार्कीलाई गरेको अनुरोधमा उहाँको अनुमति प्राप्त गरेपछि कार्कीलाई नेतृ चयन गरेका हुन । बैदेशिक हस्तक्षेप र सैनिक कु हुन बाट देशलाई बचाउन सक्ने धेरै योग्य व्यक्तिहरुको बीचमा शुशिला कार्की पहिलो रोजाईमा पर्न सफल भएको हो । जेन जीले गरेको भर्चुयर बैठकमा सहभागिहरु बीच भोटिङ् गर्दा पनि कार्की नै पहिलो रोजाईमा परेपछि उहाँकै नेतृत्वमा सेनासँग वार्ता गर्ने निष्कर्षमा जेन जी पुगेको हो । कार्कीको नेतृत्वमा सबै जेन जी पृष्ठभूमिमा रहने उल्लेख गर्दै जेन जीका सहभागीहरुले कार्कीलाई अन्तरिम सरकारको नेतृत्व दिने तयारी गरेको हो ।
भ्रष्टाचार अन्त्य र सामाजिक सञ्जाल खुलाउन शान्तिपूर्ण आन्दोलनमा उत्रेका जेन जीलाई नयाँ सरकार गठनको जिम्मेवारी सम्म सम्हानुपर्ने देखिएपछि नियर्णमा पुग्न अन्यौलता छाएको थियो । जेन जीले भर्चुयल छलफल अनिर्णयकोबन्दि बन्दा आन्दोलनमा उत्रेकाहरु र जनतामा निरासा फैलिन सक्ने भन्दै जेन जीका सहभागिहरुले देश र जनताको शान्ति सुरक्षाको प्रत्याभूति हुने गरी निर्णय गर्न सुझाएका छन् । सेना र प्रहरीलाई शान्ति सुरक्षामा सिमित गर्दै अन्तरिम सरकारले चुनाव गराउने विशेष छलफल गरेका हुन । कार्की एक जनाको नेतृत्वमा अन्तरिम सरकार बनाएर देश अगाडी बढ्न नसक्ने भन्दै पूरा सरकारको संरचना निर्माण गरेर अन्तर्राष्ट्रिय सम्बन्ध सहित समग्र देश चलाउन सक्ने वातावरण बनाउनुपर्नेमा सहभागिहरुले जोड दिइरहेका छन् ।
