भक्तपुर न.पा. ९ वडा स्तरीय ब्याडमिन्टन प्रतियोगिता सुरु
भक्तपुर, १९ बैशाख
आत्मबल, अनुशासन र स्वस्थ रहनका लागि खेलकुद प्रतियोगिताको सार्थकतालाई दृष्टिगत गरी भएको भक्तपुर नगरपालिका ९ वडास्तरीय ब्याडमिन्टन प्रतियोगिता शनिबारदेखि सुरु भएको छ । भक्तपुर नगरपालिका ९ वडा खेलकुद समितिको आयोजनामा भएको उक्त प्रतियोगितामा प्रमुख अतिथि एवम् भक्तपुर नगरपालिकाका कार्यपालिका सदस्य छोरीमैया सुजखु(प्रजापति)ले रेफ्रिलाई खेल सामग्री हस्तान्तरण गरी उद्घाटन गर्नुभएको हो ।
भक्तपुर जिल्ला ब्याडमिन्टन संघका अध्यक्ष राजेन्द्र प्रजापति र कार्यपालिका सदस्य छोरीमैया सुजखु (प्रजापति) बीच खेल सुरु गरी उद्घाटन भएको उक्त कार्यक्रममा प्रमुख अतिथि सुजखुले खेलले हरेक व्यक्तिमा आत्मबल, अनुशासन र स्वस्थ रहनका लागि अटुलनिय योगदान पु¥याउने बताउनुभयो ।
आयोजक समितिका अध्यक्ष राजेश प्रजापतिले खेलको निरन्तरताले स्वस्थ जनशक्ति उत्पादन भई देश विदेशमा समेत आफ्नो र देशको नाम उच्चो राख्न मद्दत पुग्ने औंल्याउनुभयो । उहाँले तेस्रो स्थानको लागि सेमिफाइनल खेल छात्र कक्षा (८–१२) शिरिष प्रजापति र रिक मानन्धरबीच हुने र फाइनल खेल तेजित मानन्धर र रिक्सन प्रजापतिबीच हुने र छात्रा कक्षा (८–१२) मा फाइनल खेल सोनम प्रजापति र हशिना मानन्धरबीच हुने जानकारी दिनुभयो । साथै पुरूष खुल्लामा तेस्रो स्थानको लागि सगुन प्रजापति र कान्छा प्रजापतिबीच हुनेछ भने फाइनल खेल सिविक ज्याख्व र कशिर नखेत्रुबीच बैशाख २० गते आइतबार बिहान ८ बजेदेखि हुने उहाँले बताउनुभयो ।
प्रतियोगिताको समापन तथा विजेता खेलाडीहरूलाई बैशाख २० विहान ९ बजे लिवाली कभर्ड हलमा प्रमुख अतिथि एवम् भक्तपुर नगरपालिकाका प्रमुख सुनिल प्रजापतिबाट पुरस्कृत गर्ने कार्यक्रम रहेको अध्यक्ष राजेश प्रजापतिले जानकारी दिनुभयो ।
