कुटपितबाट भक्तपुरमा एक युवाको हत्या
भक्तपुर, श्रावण २७ गते
कुटपितबाट भक्तपुरमा एक युवाको हत्या भएको छ। हिजो राती भक्तपुर नगरपालिका वडा नं. ४ मंगलाछेँ स्थित श्री जनसेवा आधारभुत विद्यालय नजिकैको गल्लीमा भएको कुटपितबाट भक्तपुर सूर्यविनायक नगरपालिका वडा नं. ८ बस्ने वर्ष २८ को मनिष सिंख्वालको मृत्यु भएको जिल्ला प्रहरी कार्यालय भक्तपुरका सुचना अधिकारी दिपककुमार कार्कीले जनाएको छ। कुटपिटबाट घाइते भएका सिंख्वालको उपचारको क्रममा भक्तपुर अस्पतालमा मृत्यु भएको प्रहरीले जनाएको छ । सो घटनामा संलग्न भएको भन्दै भक्तपुर प्रहरीले आज जिल्ला भक्तपुर, भक्तपुर नगरपालिका वडा नं. ३ बंशगोपाल बस्ने वर्ष २७ को किशोर चौगुठीलाई नियन्त्रणमा लिएको थियो । चौगुठीलाई आज जिल्ला अदालत भक्तपुरबाट कर्तब्य ज्यान मुद्दामा दिन ५ (पाँच) म्याद थप अनुमती लिई थप अनुसन्धान कार्य भईरहेको भक्तपुर प्रहरीका सुचना अधिकारी कार्कीले जनाएको छ ।
