चानपा पुनः पूर्ण खोप सुनिश्चित नगर घोषित
भक्तपुर, असार १२ गते
चाँगुनारायण नगरपालिकाले आज पूर्ण खोप सुनिश्चितता र दिगोपना कार्यक्रम आयोजना गर्दै नगर प्रमुख जीवन खत्रीले उपत्यकाकै ठूलो चाँगुनारायण नगर यस वर्ष पनि पूर्ण खोप सुनिश्चित रहेको धोषणा गरेका छन् । कार्यक्रमको उद्घाटन गर्दै नगर प्रमुख खत्रीले जनताले अपनत्व ग्रहण गरेर साथ दिए मात्रै नगरपालिकाको नीति तथा कार्यक्रम र बजेट कार्यान्वयन प्रभावकारी हुने चर्चा गर्दै स्वास्थ्य क्षेत्रमा पनि जिल्लाकै उत्कृष्ठ स्वास्थ्य चैकी हुन सफल भएको बताउनु भयो ।
कार्यक्रममा जिल्ला जनस्वास्थ्य कार्यालय भक्तपुरका प्रमुख अञ्जना खड्काले चागुनारायण नगरका ९५ प्रतिशत बालबालिकाहरुमा पूर्ण खोप पुगेको भन्दै नगरपालिका प्रमुख खत्रीलाई प्रमाण पत्र हस्तातरण गरेको थियो । सो अवसरमा नगर प्रमुख खत्रीले वडाका स्वास्थ्य चौकीहरुलाई पनि पूर्ण खोप सुनिश्चित वडाको प्रमाण पत्र वितरण गरेको थियो ।
कार्यक्रममा यूएनडिपिएका डाक्टर सागर शाक्य, स्वास्थ्य शाखा चाँगुनारायण नगरका प्रमुख दिलकुमार दुवाल, बलराम तिमल्सेनाले पनि पूर्ण खोप सुनिशिचतता र दिगोपना कार्यक्रमको महत्वबारे बोलेका थिए ।
कार्यक्रममा वडाध्यक्ष, सोम प्रधान र रोज मोक्तान सहित जनप्रतिनिधी एवं वडा र नगरस्तरका स्वास्थ्यकर्मी एव. स्वास्थ्य स्वयम्सेवीकाहरुको उपस्थिति थियो । कार्यक्रम नगरपालिकाको सभा हलमा आयोजना गरेको थियो ।
