जापानीटोलीद्वाराभक्तपुरनगरपालिकाकाप्रमुखसँगभेटघाट

जापानी टोलीद्वारा भक्तपुर नगरपालिकाका प्रमुखसँग भेटघाट

भक्तपुर, मंसिर ५। भक्तपुर नगरपालिकाद्वारा सञ्चालित श्वासप्रश्वास पुनःस्थापना केन्द्रमा जापानी टोलीले भ्रमण गरेको छ। डा. हायासीको नेतृत्वमा भक्तपुर आएको जापानी टोलीले भक्तपुर नगरपालिकाका प्रमुख सुनिल प्रजापतिसँग भेटघाट गरेको हो।

भेटका क्रममा श्वासप्रश्वास पुनःस्थापना केन्द्रको सेवा, उपचार तथा पुनःस्थापनासम्बन्धी विषयमा छलफल भएको जनाइएको छ।

भक्तपुर नगरपालिकाद्वारा सञ्चालित पुनःस्थापना केन्द्रले श्वासप्रश्वाससम्बन्धी समस्या भएका बिरामीलाई उपचार तथा पुनःस्थापनाको सेवा प्रदान गर्दै आएको छ।

जापानी टोलीको भ्रमणले स्वास्थ्य सेवा तथा पुनःस्थापनाका क्षेत्रमा अनुभव आदानप्रदान र आपसी सहकार्यका सम्भावनालाई थप बल पुग्ने अपेक्षा गरिएको छ।