पदार्थ सहित मानिस नियन्त्रणमा
भक्तपुर, बैशाख १५ गते
जिल्ला प्रहरी कार्यालय भक्तपुरले लागु पदार्थ सहित मानिस नियन्त्रणमा लिएको छ । भक्तपुरको सूर्यविनायक नगरपालिका वडा नं.५ स्थित सल्लाधारीबाट प्रहरीले विभिन्न लागु पदार्थ सहित एक मानिस पक्राउ गरेको भक्तपुर प्रहरीका निमित्त सूचना अधिकारी शुभेश अधिकारीले जनाएको छ । उहाँका अनुसार प्रहरी प्रभाग व्यासी भक्तपुरबाट खतिएको प्रहरी टोलीले चेकजाँच गर्नेक्रममा ३० वर्षिय प्रकाश पाख्रिनलाई पक्राउ गरेको हो । पक्राउ परेका पाख्रिनबाट नगद रु २८ हजार २सय ५० सहित डाइजोपाम १०३ एम्पुल, नोमफयन १०३ एम्पुल, फेनेरागन १०३ एम्पुल, ट्रामाडोल ८५० ट्याबलेट(चक्की), नाइट्राभेट – २१० ट्याबलेट(चक्की), बरामद गरिएको थियो ।
