भक्तपुर, बैशाख ९ गते
कोरना भाइरस संक्रमण सभावित भक्तपुर नगरका बासिन्दाहरुको परीक्षण सोमबारबाट सुरु गरेको छ । जनस्वास्थय सेवा केन्द्र भक्तपुरले जिल्ला स्वास्थ्य कार्यालय भक्तपुरको समन्वयमा भनपा १० स्थित सरस्वती बिद्या गृहमा आडिटी विधिबाट कोरना भाइरसको परीक्षण थालिएको हो । परीक्षणको पहिलो दिनमा ९ जनाले परीक्षण गराएका थिए । तिनीहरु सबैको रिर्पोट कोरना भाइरस नभएको ल्याव टेक्निसियन योगिता खनालले जनाएका छन भने आज दोस्रो दिन भनपा ४, ५ र ९ वडाका बासिन्दाहरुका संभावित व्यक्तिहरुको परीक्षण गर्ने छन् । विहान ११ बजे देखि २ बजेसम्म परीक्षण टोलि परिचालन हुने जनस्वास्थ्य सेवा केन्द्र भक्तपुरले जनाएको छ । भनपा ४ को तालाक्व, ५ वडाको भगवतीस्थान र वडा नम्वर ९ स्थित ख्वप इन्जिनियरिग कलेजमा परीक्षण गरिने छ । भक्तपुर नगरमा १०६ जना विदेशबाट आएका नगरवासीहरुको पहिचान गरेको छ । चैत्र १ गते देखि विदेशबाट भक्तपुर आएकाहरु र संभावित व्यक्तिहरुले आआफ्नो वडा कार्यालयमा सम्पर्क राखि कोरना भाइरसको परीक्षण गराउन भक्तपुर नगरपालिकाले अनुरोध गरेको छ । सोमबार मात्र भक्तपुर जिल्लाको भक्तपुर नगरपालिकाले ९ जना, भक्तपुर अस्पतालले २० जना, सूर्यविनायक नगरपालिकाले १७ जना गरी एकै दिनमा ४६ जनाको आडिटी परीक्षण गराएका थिए । परीक्षण गरिएका सबैजनाको रिपोर्ट नेगेटिभ वा कोरना भाइरसको संक्रमण नभएको जनाएको छ । यस अघि लक्षण देखिएका २७९ जनाको भने टेकुस्थित जनस्वास्थ्य प्रयोगशालाबाट पिसिआर स्वाब परीक्षण पनि सम्पन्न गराइ सकेका छन् । यसै गरी नेपाल कोरिया मैत्री नगर अस्पतालबाट ४१ महिला र ५८ पुरुषको पनि कोरना भाइरसको परीक्षण सम्पन्न गरेको छ । अहिलेसम्मका यी सबै परीक्षणहरुमा कोरना भाइरस नभएको पुष्टि भएको जिल्ला स्वास्थ्य कार्यालय भक्तपुरले जनाएको छ ।
