स्रष्टा बिमलप्रभाकाे एकल कथावाचन
वि.सं. २०८२ चैत्र ७ गतेदेखि हरेक महिनाकाे पहिलाे शनिबारका दिन एकजना स्रष्टाकाे एकल लघुकथा वाचन कार्यक्रम शुरू गर्दै आईरहेकाे स: दबू साहित्यकाे छैठौं संस्करण अन्तर्गत स्रष्टा बिमलप्रभा बज्राचार्यको एकल कथा वाचन कार्यक्रम ललितपुरकाे तलाछें टाेलमा सम्पन्न भएकाे छ । कार्यक्रमको शुरुमा दिवङ्गत जनकवि दुर्गालाल श्रेष्ठको निर्वाणको कामना गर्दै एकमिनेट मौनधारणा पनि गरिएको थियो ।
उक्त एकल वाचन कार्यक्रममा ललितपुर निवासी स्रष्टा बिमलप्रभा बज्राचार्यका विविध परिवेशलाई समेटिएर विविध थरीका स्वाद सहितका नेपालभाषाका ९ वटा कथाहरू पस्किएका थिए । ३ चरणमा बाँडिएकाे उक्त वाचित लघुकथाहरूमा वर्तमान समय, परिस्थिति, सामाजिक परिवेश, विकृति विसङ्गतिलाई उजागर गर्दै तयार पारिएका कथाहरू सुन्दर, समय सान्दर्भिक र चेतनामूलक देखिएका थिए ।
छाेटाे मिठाे कार्यक्रम अन्तर्गत स: दबू साहित्यका कबिन्द्रलाल प्रधान र सुरेन्द्र भक्त श्रेष्ठले स्रष्टा बिमलप्रभालाई माला लगाई स्वागत गर्नुभयाे भने संयोजक सुधीर ख्वविले सबैलाई धन्यबाद ज्ञापन गर्दै स्रष्टा बिमलप्रभालाई मायाकाे चिनाे प्रदान गर्नुभएकाे थियाे । त्यसैगरी स: दबू साहित्यका समा श्रीले स्रष्टा बिमलप्रभाकाे संक्षिप्त परिचय सहित कार्यक्रमकाे सहजिकरण गर्नुभएकाे थियाे ।
