कुटपिट गरी हत्या गर्ने राई प्रहरी नियन्त्रणमा
भक्तपुर, पुस ७ गते
भक्तपुर प्रहरीले कुटपिट गरी हत्या गरेको अभियोगमा एकजनालाई नियन्त्रणमा लिएको छ । भक्तपुर नगरपालिका वडा नं. ३ वंशगोपाल डेगमनास्थित निर्माणाधिन साढे ३ तल्ले घरमा ज्यामी काम गरी भूईतल्लामा बस्ने उदयपुर घर भएका पूर्ण ठकुरीलाई कुटपिट गरी हत्या गरेको अरोपमा संजिब राईलाई आज प्रहरीले नियन्त्रण्मा लिएको भक्तपुर प्रहरीका सुचना अधिकारी एवं प्रहरी नायव उपरिक्षक प्रकाश जवेजुले जनाएको छ ।
राईलाई प्रहरीले भनपा १ सल्लघारीबाट नियन्त्रणमा लिई परिसरमा राखिएको सूचना अधिकारी जवेजुले जनाएको छ । निर्माणाधिन घरको भूईतल्लामा मृत अवस्थामा भेटिएका ठकुरीलाई हिजो राती कुटपिट गरी हत्या गरेको खुल्न आएपछि निज संजिब राईलाई प्रहरीले आज नियन्त्रणमा लिएको उहाँले बताए । सूचना अधिकारी जवेजुका अनुसार मृत्तक ठकुरीको लाशलाई पोष्टमाटर्मको लागि काठमाडौमेडिकल कलेज दुवाकोट, भक्तपुर लगेको र घटना सम्बन्धमा थप अनुन्धान कार्य भई रहेका जनाएको छ ।
