भक्तपुर, चैत्र २२ गते
रक्त सञ्चार सेवा केन्द्र भक्तपुरले शनिवार १ सय ११ यूनिट रगत संकलन गरेको छ । कोरना भइरसको जोखिम ब्याप्त रहेको बेला पनि काठमाण्डौका विभिन्न क्षेत्रमा पुगेर रगत संकलन तथा व्यवस्थापन गरेको हो । लक डाउनको बेला पनि अस्पतालमा उपचारत विरामीहरुको लागि आवश्यक रगत पूर्ति गर्न केन्द्रले काठमाण्डौ उपत्यका र आपपासका स्थानबाट समेत रगत संकलन कार्य थालि रहेको छ । लायण्ड क्लव दक्षिणकालीले आज छैमलीमा आयोजना गरेको रक्तदानबाट १५ यूनिट र फर्पिङ्गका समुदायबाट ५१ यूनिट रगत संकलन गरेको छ भने आजै भएको अर्को रक्तदान कार्यक्रममा बछाबाछी सम्रक्षण गोेठातारबाट ४५ यूनिट रगत संकलन गरेको रक्त सञ्चार सेवा केन्द्र भक्तपुरका नवराज खत्रीले बताएका छन् । केन्द्रले आइतबार विहान विहान ८ बजेकाठमाण्डौको घतेकुलो र काडमाण्डौकै गोल्कुपाखा पनि रक्तदान कार्यक्रम तय गरेको छ । यसै गरी आइतबार विहान ८ बजे भक्तपुरको सूर्यविनायक नगरपालिकास्थित कटुंजेमा तरुनदलले पनि रक्तादान कार्यक्रम गर्दै छ भने रिजाल समाजले विहान १०ः३० बजे तिकाथली काठमाण्डौमा रक्तदान कार्यक्रम आयोजना गर्दै छ । कोरना भाइरसको यो संक्रमनकालिन अवस्थामा सामाजिक दुरी कायम गर्दै सुरक्षित व्यबहारका साथ पायक परेका ठाउँमा पुगेर रक्तदान कार्यमा सहभागि भईदिन रक्त सञ्चार केन्द्र भक्तपुरले आग्रह गरेको छ । तीन तीन महिनामा मानव शरीरबाट खेर जाने रगतलाई दान गरी मानविय सहयोगको लागि काठमाण्डौमा एक घर एक रक्तदान घरदैलो रगत संकलन संचालन गर्दै आएको छ भने भक्तपुर रेडक्रसले संचालन गर्दै आएको रक्तसञ्चार सेवा केन्द्र भक्तपुरले पनि विभिन्न संघ संस्थाहरुको सक्रियतामा टोल बस्तीमा पुगेर रगत संकलन तथा व्यवस्थापन गर्दै आएको छ । हाल दैनिक १ सय यूनिट देखि १२५ यूनिटसम्म रगत माग भईरहेको रक्त सञ्चार सेवा केन्द्र भक्तपुरका प्राविधिक दामोदर मुनकर्मीले बताएका छन् ।
