काठमाण्डौ, चैत्र २२गतें
कोरना भाइरस नेपालमा दोस्रो चरणमा प्रवेश गरेको छ । विदेशबाट नेपाल फर्किएकाबाट मात्रै नेपालमा देखिएको कोरना भाइरसको संक्रमण शनिवारबाट नेपालमा आएका संक्रमितबाट अन्यमा पनि सरेको पहिलो संक्रमणको घटना पुष्टि भएकोे हो । यसबाट नेपालमा कोरना भाइरस सक्रमण दोस्रो चरणमा प्रवेश गरेको पुष्टि गर्दै स्वास्थ्य तथा जनसञ्चार मन्त्रालयले आज तीन जनामा थप कोरना भाइरस संक्रमण फैलिएको जनाएको छ । भारतबाट नेपाल आएर कैलाली र कञ्चनपुरको क्वारेन्टाइनमा रहेका ४१ र २१ वर्षका दुई पुरुषमा कोरना पोजेटिभ देखिएको हो भने संक्रमित एक पुरुषका आफन्त पर्ने कैलालीका ३४ वर्षकी महिलामा भने दोस्रो चरणको कोरना भाइरस संक्रमण देखिएको भन्दै मन्त्रालयका प्रवक्ता डा.बिकास देवकोटाले क्वारेन्टाइनमा अनुशासित र साबधानीका साथ बस्नुपर्ने कुरा सो घटनाले औल्याएको बताउनु भयोे ।
चितवन र बुटवलमा भोलिबाट कोरना भाइरसको परीक्षण सुरु भएपछि काठमाण्डौ बाहिरका ६ ठाउँबाट कोरना भाइरसको परीक्षण हुने भएको छ । शनिवारसम्म १ हजार ४ सय ४१ परीक्षण सम्पन्न गरी सक्दा ९ जनामा कोरना पोजेटिभ भेटिएको छ । हाल काठमाण्डौमा १५ जना, उपत्यका बाहिर ५४ जना आइसोलेशन कक्षमा छन् । कल सेन्टरबाट ३ हजार ४ सय ६५ गुनासो सम्बोधन गरेको छ । वेभसाईटबाट कोरना भाइरसको स्वमूल्यांकनमा विवतरण भनेको संख्या शनिबारसम्म ६ हजार ५सय २७ पुगेको छ । रेड जुन अर्थात उच्च जोखिमको सूचीमा १ सय २६ जना छन् । तिनीहरुको फोन र सम्बन्धित माहाशाखामार्फट ट्ेसिंग भएको डा.देवकोटाले बताउनु भयो । संभाबित संक्रमत स्वमूल्यांकनमा भरेका विवरणहरु अझै सही नभएको देखिएको भन्दै उहाँले बारम्बार सोधिने प्रश्नमा स्वास्थ्य कर्मीका पीपीई, स्वास्थ्य सामग्रीहरुको दुरुपयोगका प्रश्न बढी रहेकाले त्यसको अनावश्यक प्रयोग र पीपीइ लगाएको फोटोहरु सामाजिक सञ्जालमा पोस्त समेत नगरिदिन अनुरोध गर्नु भयो । लक डाउनको समयमा क्वारेन्टाइनमा रहेर १४ दिन पूरा गरी स्वास्थ्य परिक्षण समेत नेगेटिभ भएकाहरु पनि केही दिन क्वारेन्टाइनमै रहन उहाँले आग्रह गर्नु भयो
