तरुल विक्री गरेर सर्लाहिका किसानले लाखाँै रुपैयाँ कमाए ।।
जनार्जन खत्री, रेडियो एकता, सर्लाही
माघे संक्रान्तिका दिन खाइने तरुल विक्री गरेर सर्लाहिका किसानले लाखाँै रुपैयाँ कमाएका छन् । व्यवसायीक रुपमा तरुल खेती गरेका किसानहरू अहिले तरुल खन्न र बजारमा पठाउन व्यस्त छन् । १० कठ्ठामा तरुल लगाउनुभएका सर्लाहीको बागमती नगरपालिका–८, सोल्टीका किसान जङ्गबहादुर महतोले तरुल बेचेर २ लाख ५० हजार कमाउनुभएको छ । अरु भन्दा तरुलबाट किसानलाई राम्रो आम्दानी हुने गरेको महतोको भनाइ छ । सर्लाहीमा बिशेष गरि सोल्टी, कर्मैया, राजघाट, हजरिया, बरहथवा लगायत स्थानमा तरुल खेती गर्ने गरिएको छ । अघिल्ला वर्षहरूमा तरुल प्रतिकठ्ठा आठदेखि १० क्विन्टलसम्म उत्पादन भएपनि यस वर्ष तीनदेखि चार क्विन्टल मात्रै उत्पादन भयो । मौसम अनुसार तरुलको उत्पादन कम वा बढि हुने गरेको छ । किसानको बारीबाट किनेको तरुल व्यापारीले काठमाण्डौं, पोखरा, धनगढी, वीरगञ्ज, इटहरी लगायत देशका प्रमुख सहरसम्म पु¥याउने गरेका छन् । जसका कारण यो समयमा मजदुरहरूले पनि तरुल खनेर राम्रो कमाइ गरेका छन् । सर्लाहीमा किसानले प्रतिक्विन्टल ४ हजार रुपैयाँमा तरुल बेचेका छन् । किन्दा प्रतिकिलो ४० रुपैयाँ पर्ने तरुल बजारमा पुगेपछि व्यापारीले प्रतिकिलो ६० सम्ममा बेच्ने गरेका छन् । फागुनदेखि जेठसम्म रोपिने तरुल पुस देखि चैत सम्म खन्ने गरिएको छ
