भोली नाग पञ्चमी भनपा १०को विशेष कार्यक्रम
भक्तपुर, श्रावण ३१ गते
भक्तपुर नगरपालिका वडा नं. १० स्थित नाग पोखरीमा भोली विशेष मेला सहित नाग पँञ्चमी पर्व मनाउने तयारी गरेको छ । वडा कार्यालय भनपा १०का अनुसार नाग पोखरीमा भोली विहान ८ बजे बासुरी, भ्याइलेनसहित विशेष कार्यक्रमका साथ नाग पञ्मी पर्व मनाउने भएका हुन । दिउँसो ११ बजे देखि साँझ ५ बजेसम्म विभिन्न साँस्कृति भजनकृतन सहित यस वर्ष भक्तपुरमा विशेष नाग पञ्चमीपर्व मनाउने तयारी रहेको वडाध्यक्ष लक्ष्मीप्रसाद ह्यौमिखाले जनाएको छ । सो क्षेत्रको विशेष सरसफाईका साथै पोखरीको विचमा रहेको नागसम्म सर्वसाधारण पनि पुग्न सकिने गरी पुल बनाएर नाग पञ्चमीका दिन विशेष मेला आयोजना गर्ने तयारी गरेका हुन ।
भक्तपुरको प्रसिद्ध ङातापोल मन्दिर बनाउन राजा भुपेन्द्र मल्लले सो ठाउँबाट माटो लगेको इतिहासकारहरु बताउँछन् । मन्दिर बनाउन माटो लगेपछि बनेको पोखरीमा चमारहरुले छाला काटेर फोहर गरेपछि पोखरीको वीचमा नाग स्थापना गरेर पोखरीको संरक्षण गरिएको स्थानीयको भनाई छ । रञ्जितकारहरुले धागो रंगाउने पोखरीको रुपमा समेत परिचित सो पोखरीलाई पछिल्लो चरणमा थालाछे पुखु हुँदै भक्तपुरको नाग पोखरीको रुपमा परिचित छ । सो नाग पोखरीको रुपमा स्थापित भएपछि सो क्षेत्रलाई नाग लोक बनाएर विश्वका पर्यटन आकर्षित गर्न सकिने स्थानीय संम्पदा संरक्षक रविन्द्र पुरीको भनाई छ । संसारभर पाइने नागका प्रकारहरुको मुत्र्ति बनाएर नाग बारे अध्ययन अनुसन्धान गराउन स्थानको रुपमा नाग पोखरीलाई विकास गर्न सकिने उहाँको धारणा थियो ।
