सू.न.पामा लैगिक हिँसा बढ्दो, पीडितलाई न्याय दिन कोष परिचालनको तयारी
भक्तपुर, चैत्र १७ गते
भक्तपुरको सूर्यविनायक नगर क्षेत्रमा पनि महिला हिंसाका घटना वृद्धि भएको भन्दै सरोकारवालाहरुले चिन्ता व्यक्त गरेका छन् । विवाह दर्ता जतिकै सम्बन्ध विच्छेडका घटना दर्ता गर्नेको संख्या बढेको प्रति चिन्ता व्यक्त गर्दै स्थानीय जनप्रतिनिधीहरुले लैगिक समानताको प्रत्याभूति दिन लंैगिक हिंसा निवारण कोष स्थापना र कोष सञ्चालन कार्यविधि कार्यान्वयनको चरणमा रहेको बताए । महिला हिंसा देखिने गरी र पुरुष हिंसा नदेखिने गरी बढि रहेको भन्दै सरोकारवालाहरुले लैगिक हिंसा अन्त्यकालागि नगरव्यापी रुपमा जनचेतना अभिवृद्धिका गतिविधि भइरहेको भन्दै नगर उपप्रमुख सरिता भट्टराईले त्यस्तो घटनालाई सहजिकरण र पीडितको पक्षमा न्याय सम्पादन हुदै आएको बताउनु भयो ।
उहाँले भन्नु भयो, लिगको आधारमा हुने हिंसालाई लैगिक हिंसा भनिन्छ । कसैलाई कसैले जात,भाषा, लिंगको आधारमा भेडभाव गर्नु हुँदैन । नगरमा हिंसाको संख्या बढेपनि कोष परिचालन गर्न नपरेको तथा कार्यविधिमा समेत कमी रहेको औल्याउँदै उपप्रमुख भट्टराईले पीडितहरुलाई वडा, नगरपालिकासम्म ल्याउने वातावरण बनाउनुपर्नेमा जोड दिर्दै मेलमिलाप र न्यायनिरुपणमा आफूहरुको ध्यान गइरहेको बताउनु भयो । सू.न.पा ६ वडामा पाइलेट प्रोग्रामको रुपमा भइरहेको यो सामूहिक कार्यलाई व्यवसायिक र आर्थिक उन्नेयनकालागि गन्तव्यको पहिचान गर्दै मेरो सरकारले सहयोग गर्छ भन्ने भावना जगाउनुपर्नेमा उहाँले जोड दिनु भयो ।
आथिर्क रुपले सबल भएपछि मात्रै लैगिक हिंसाको अन्त्य र समानताको अनुभूति हुने भन्दै महिला जागरण तथा विकास केन्द्रका पूर्व अध्यक्ष डा.अनिता श्रेष्ठले महिलाको आर्थिक अधिकार सुनिश्चित गर्ने सम्बन्धमा अन्तराष्ट्रिय दस्ताबेजमा भएको व्यवस्था र अन्तर्राष्ट्रिय अभ्यासहरु बारे जानकारी दिनु भयो भने अधिबक्ता शशि अधिकारीले लैंगिक हिंसा निवारण कोष र नगरालिकाका नीतिहरु बारे प्रस्तुतीकरण गर्दै लैगिक हिंसा पीडितको न्यायमा पँहुच वृद्धिकालागि कोषको महत्व बारे प्रकास पारेका थिए ।
नगर उपप्रमुख भटट्राईले विरुवामा जल शेर्चन गरी उद्घाटन भएको सो एकदिवसिय गोष्ठिमा सूनपाका प्रवक्ता रविन्द्र सापकोटा र सूनपा ६का वडाध्यक्ष ईश्वर खड्काले पनि बोल्नु भएको थियो
