प्रधानन्यायाधीश जबराको राजीनामा माग गर्दै बारले ग¥यो आन्दोलनको घोषणा ।
नेपाल बार एशोसिएसनले प्रधानन्यायाधीश चोलेन्द्रशम्शेर जबराले तत्काल राजीनामा दिनुपर्ने निर्णय गरेको छ । आज बसेको बार कार्यसमितिको बैठकले प्रधानन्यायाधीश जबराले तत्काल राजीनामा दिनुपर्ने भन्दै पर्सि आइतबारदेखि आन्दोलनका कार्यक्रम घोषणा गरेको बारका सदस्य खिमानन्द अधिकारीले सीआइएनलाई जानकारी दिनुभयो । उहाँका अनुसार बारले पर्सि आइतबारदेखि बुधबारसम्म कालो पट्टी बाँधेर सर्वोच्च अदालतमा विरोध कार्यक्रम गर्ने निर्णय गरेको छ । विकृति, विसंगति, भ्रष्टाचार रोक्न नसकेको, न्यायपालिकाको गरिमा कायम गर्न नसकेकाले राजीनामा मागिएको भन्दै बारले सर्वोच्चको इजलासमा बसेर आदेश वा फैसला नगर्न पनि माग गरेको छ ।
