मुलुक फूलमा आत्मनिर्भर उन्मुख भएको अर्थमन्त्री शर्माको भनाइ ।
अर्थमन्त्री जनार्दन शर्माले फूलमा मुलुक आत्मनिर्भर उन्मुख भएको बताउदै अर्को वर्षदेखि आयात नगर्नुपर्ने गरी संकल्प गरेर अगाडि बढ्न व्यवसायीलाइ आग्रह गर्नुभएको छ । ललितपुरमा १४ औं गोदावरी पुष्प प्रदर्शनी २०७८ को उद्घाटन गर्दै मन्त्री शर्माले पुष्प व्यवसाय उत्पादनको क्षेत्रमा महत्वपूर्ण रहेको बताउनुभएको हो । उहाँले केही प्रतिशत अन्य मुलुकबाट बर्षेनी फूल भित्रिरहेकाले आगामी वर्षदेखि आत्मनिर्भर हुने गरी पुष्प कृषक, व्यवसायी तथा सरोकारवालालाई संकल्प गर्न आग्रह गर्नुभएको हो । मन्त्री शर्माले फूल नेपालीको संस्कृतिसँग पनि जोडिएकाले निकै महत्वपूर्ण रहेको बताउनु भएको छ । फ्लोरिकल्चर एशोसिएसनले बर्षेनी प्रदर्शन आयोजना गर्दै आएको गोदावरी पुष्प प्रदर्शनी यस वर्ष आजबाट सोमबार सम्म चल्ने बताइएको छ । प्रदर्शनीमा गोदावरी पुष्पसँगै विश्वभर चलेका फुलहरू, पुष्प खेती गर्दा आवश्यक पर्ने औजार, मललगायत राखिएको फ्लोरिकल्चर एशोसिएसन नेपालका अध्यक्ष मिनबहादुर तामाङले बताउनुभयो ।
