काठमाडौं । नेपालको सिमाना लिम्पियाधुरा कायम रहने गरी अद्यावधिक नक्सा राख्ने कार्यप्रति नेपाल सरकारलाई राष्ट्रिय उद्योग व्यापार महासंघले धन्यवाद दिएको छ । महासंघका अध्यक्ष शिव कटेलले शनिबार नै विज्ञप्ति प्रकाशित गरी यो कार्य ऐतिहासिक भएको टिप्पणी गरेको छ । सुगौली सन्धि भएर नेपालको सिमाना कायम भएको दुई सय चार वर्षसम्म आफैंले आफनो सम्पूर्ण भूभाग समेटिएको नक्सासमेत बनाउन नसकेको परिवेशमा नेपाल सरकारको २०७७ जेठ ५ गतेका मन्त्रीपरिषद्को बैठकले पश्चिम नेपालको सिमाना लिम्पयाधुरा कायम रहने गरी नेपालको नापी विभागले सिफारिस गरेको नेपालका अद्यिाविधका नक्सा पास शनिबार संसदबाट पास गरेको कार्य ऐतिहासिक भएको महासंघले जनाएको छ । संविधानको अनुसूचि तीनलाई शंशोधन गरी अद्यावधिक नक्सा राख्ने कार्यमा मतदान गर्नुहुने सम्पूर्ण साँंसदलाई पनि महासंघले धन्यवाद दिएको छ । अव सुगौली सन्धी अनुसार नेपालको पश्चिमेतर सिमाना महाकाली नदी भएको र महाकालीको उदगमस्थल लिम्यिायाधुरा भएको सर्वसम्मतिबाट लिम्पयाधुरालाई त्रीदेशीय विन्दु कायम गरी सिमाना सुरक्षा गर्न सरकारसँंग महासंघले आग्रह गरेको छ । साथै भारतद्धारा खोलिएको बाटोमा तत्काल नेपाली सुरक्षा फौज तैनाथ गर्न महासंघले सरकारलाई सुझाब दिएको छ । साथसाथै भारतसँंग तुरुन्त दुईपक्षीय वार्ता गरी यसका लागि विज्ञ टोलीहरु बनाई वार्ताको रणनीति वनाउन लगाउन पनि महासंघले सरकारसमक्ष आग्रह गरेको छ ।
