सुकुम्बासीसँग समस्या सुनुवाईमा मुख्य मन्त्री
भक्तपुर, बैशाख २४ गते
बागमती प्रदेशका मुख्य मन्त्री इन्द्रबहादुर बानियाँले सुकुम्वासीवस्तिबाट विस्थापित भएका समुदायलाई स्थानीय सरकार, बागमती प्रदेश सरकार र केन्द्रीय सरकारको संयोजनमा बास, गाँस र कपासको सुनिस्चितता गर्ने जनाएका छन् । आज भक्तपुरको खरिपाटीस्थित विद्युत तालिम केन्द्रमा रहेका सुकम्बासीहरुसँग भलाकुसारी गर्दै उहाँले ति समुदायका समस्या समाधानकालागि प्रदेश र केन्दीय सरकार मिलेर समाधान खोजिने जनाएका हुन । मुख्य मन्त्री बानियाँले भन्नु भयो सुकुम्बासीलाई न्याय दिन स्वास्थ्य मन्त्री र सचिव सहतिको टोली आएका छौं ।
सो अवसरमा मुख्य मन्त्री समक्ष सुकम्वासीका सन्ततीहरुले राम्रो विदालय जान पाउनुपर्ने, विरामीहरुको औषधी उपचारको व्यवस्था हुुनुपर्ने र युवाहरुले काम पाउनुपर्ने तथा दीर्घकालिन बासको सुनिश्चितता हुनुपर्ने सहितका मागहरु राखेका थिए । सुकुम्बासीहरु बीच नेता, मन्त्रीहरु आउने आश्वासन मात्र बाड्ने कार्य गलत भएको भन्दै तिनीहरुले मुख्य मन्त्रीको गम्भिर ध्यानाकर्षण गराएका थिए । तिनीहरुको समस्या बुझ्दै मुख्य मन्त्रीले भने अहिले खान र बस्न पाएका छौ, लुगाफाताको व्यवस्था गर्न, विरामीको निःशुल्क उपचार गराउन, तथा बालबालिकाहरुलाई नजिकैको विद्यालयमा पढाउने व्यवस्था गर्नु । मुख्य मन्त्री बानियाले सो कार्य गर्न बजेटको अभाव हुन नदिने भन्दै बागमती प्रदेशका स्वस्थ्यमन्त्री किरण थापामगर र संस्कृति मन्त्री सुरेश श्रेष्ठ, स्वास्थ्य सचिव डा. सुमित्रा गौतम सहितको तोलिले स्थालगत निरिक्षणसँगै सुकुम्बासीहरुसँग भलाकुसारीका साथै तिनीहरुको समस्या र गुनासोको सुनुवाई गरेका हुन ।
गत हप्ता प्रधानमन्त्रीको सचिवालयको टोलिले खरिापाटीस्थित विद्युत तालिम केन्द्रमा एक हप्ताकालागि मात्रै सुकुम्बासीहरुलाई राख्ने र सो अवधिमा आवास, खानपिन, स्वास्थ्य र शिक्षामा कुनै कमि आउन नदिने बताएका थिए । यसैसन्दर्भमा सो तालिम केन्द्रमा बसेको एक हप्ता हुन थालेपछि आफूहरुको भविष्य के हुने हुन? सरकारले कसरी पुनस्थापित गर्ने होलान? भन्ने विषयमा सुकुम्बासीहरु चिन्तित हुन थालेका छन् ।
