भक्तपुर, चैत्र २० गते
स्वास्थ्य तथा जनसख्या मन्त्रालयले बिहिवार साँझ आयोजना गरेको नियमति पत्रकार सम्मलेनमा डा. विकास देवकोटाले नेपालमा अर्को एक व्यक्तिमा कोरना भाइरसको संक्रमण भएको पुष्टि गरेका छन् । दोहाबाट चैत्र ४ गते कटार एयरबाट नेपाल आएका अर्का एक व्यक्तिमा कोरना भाइरसको संक्रमण(पोजेटिभ) पुष्टि भएपछि नेपालमा ६ जना कोरना संक्रमित भएका हुन । पहिलो कोरना भाइरस संक्रमित उपचार पछि घर फर्किए पनि अन्य चार जनाको उपचार भइरहेको बेला आज छैटौं ब्यक्तिमा संक्रमण देखिएको हो । अहिलेसम्म ११ सय ८४ वटा परीक्षण सम्पन्न गर्दा ६ जना कोरना भाइरस पुष्टि भएको छ भने अन्य ४३ जनाको स्वाब परिक्षण भइरहेको डा. देवकोटाले बताएका छन् । गत चौबिस घण्टामा ७३ जनाको कोरना परिक्षण गरेको थियो । टेकु अस्पतालमा उपचारत दुई जनामा गरेको दोहोरो स्वाब परिक्षणमा पनि कोरना भाइरसको संक्रमण रहेकोले थप उपचार जारी रहेका पनि बताइएको छ ।
