थप एक नेपालीमा पनि देखियो, कोरना भाइरसको संक्रमण

साधारणसभा सम्बन्धी संयुक्त भेला सम्पन्न  भक्तपुर, १० असोज । गुरु गणेश बचत तथा ऋण सहकारी संस्था लि.को साधारणसभा सम्बन्धी संयुक्त भेला अध्यक्ष कृष्ण राम कासिछ्वाको सभापतित्वमा संस्थाको सभाकक्षमा चोफलमा शनिबार सम्पन्न भएको छ।   कार्यक्रमका सभापति एवं संस्थाका अध्यक्ष कृष्णराम कासिछ्वाले संस्थाको साधारणसभा २०८३ असोज १७ गते शनिबार ब्रम्हायणी पार्टी प्यालेसमा आयोजना हुने जानकारी गराउनुभयो। उहाँले संस्थाको प्रगति र समृद्धिका लागि सबैको निःस्वार्थ सहयोग, सक्रिय सहभागिता र सकारात्मक भूमिकाको अपेक्षा व्यक्त गर्नुभयो।  सल्लाहकार कृष्णभक्त लवजूले संस्थाको स्थापनाकालमा उद्घाटन गरिएको समयको स्मरण गर्दै सहकारीको महत्त्व र आवश्यकताबारे चर्चा गर्नुभयो। उहाँले पदभन्दा कामलाई विशेष प्राथमिकता दिनुपर्ने, संस्थाको हितमा प्रभावकारी रूपमा काम गर्न सक्ने व्यक्तिलाई जिम्मेवारी र अधिकार हस्तान्तरण गर्नुपर्ने धारणा राख्नुभयो। साथै अनावश्यक खर्चलाई न्यूनीकरण गरी सदस्य तथा समाजको हितमा बढीभन्दा बढी स्रोत परिचालन गर्नुपर्नेमा जोड दिनुभयो।  अर्का सल्लाहकार रामकृष्ण प्रजापतिले साधारणसभा संस्थाको नीति, योजना, पारदर्शिता र सदस्यहरूको सहभागिताका दृष्टिले महत्त्वपूर्ण रहेको बताउँदै यसको आवश्यकता र भूमिकामाथि प्रकाश पार्नुभएको थियो।  सल्लाहकार काशिलाल प्रजापतिले साधारणसभासम्बन्धी विषयमा प्रकाश पार्दै साधारणसभाको प्रक्रिया तथा सदस्यहरूको सहभागिताको महत्त्वबारे जानकारी गराउनुभएको थियो।   कार्यक्रमको उद्घोषण सत्यराम ज्ञामरूले गर्नुभएको थियो। कार्यक्रममा रामकृष्ण लावजूले स्वागत मन्तव्य व्यक्त गर्नुभएको थियो।  त्यसैगरी कोषाध्यक्ष तुल्सी केशरी प्रजापतिले संस्थाको आर्थिक प्रतिवेदन प्रस्तुत गर्दै संस्थाको आर्थिक अवस्था तथा गतिविधिबारे जानकारी गराउनुभएको थियो।  भेलामा संस्थाको आगामी साधारणसभा, आर्थिक अवस्था, संस्थागत विकास तथा सदस्य हितका विषयमा विभिन्न वक्ताहरूले आ–आफ्ना धारणा व्यक्त गर्नुभएको थियो। अन्त्यमा संस्थाको आगामी साधारणसभा सफलतापूर्वक सम्पन्न गर्ने प्रतिबद्धतासहित कार्यक्रम सम्पन्न भएको थियो। 

भक्तपुर, १० असोज । सुरक्षित बचत तथा ऋण सहकारी संस्था लि।को १६ औं वार्षिक साधारणसभा भक्तपुर नगरपालिकाका प्रमुख सुनिल प्रजापतिले...

शुभकामना बचत तथा ऋण सहकारी संस्था लि.को २६ औँ वार्षिक साधारण सभा सम्पन्न भक्तपुर। शुभकामना बचत तथा ऋण सहकारी संस्था...

विश्व मानव अधिकार संरक्षण संगठन नेपालको तेस्रो साधारण सभा तथा प्रथम अधिवेशन सम्पन्नभक्तपुर, असोज १० गते । विश्व मानव अधिकार...

शैक्षिक र स्वास्थ्य सेवा नै प्रभावित गरेपछि आवासीय चिकित्सक फिर्ता बाेलाउन अनुराेध गर्नुपर्याेः नेशनल मेडिकल कलेज वीरगञ्ज । नेशनल मेडिकल कलेज तथा...