सवारी दुर्घटनामा राईको मृत्यु
भक्तपुर, माघ १०गते
गत सोमबार मध्यपुर थिमीको दिव्यश्वरीस्थित क्षमावती ग्रुप कम्पनी आगाडी भएको सवारी दुर्घटनामा घाईतेको मृत्यु भएको छ । जिल्ला प्रहरी कार्यालय भक्तपुरले दिएको जानकारी अनुसार घाईटे सपना राईको उपचारकोक्रममा बुधबार मृत्यु भएको हो । सोमबार साँझ पेप्सीकोलाबाट मगर गाँउतर्फ जाँदै गरेको बा.प्र. ०१ ०२७ च. ९२७ नं. को कारलाई सोही दिशातर्फ जाँदै गरेको बा ५० प. ७४१ नं.को मोटरसाईकलले ठक्कर दिँदा मोटरसाईकल चालक जिल्ला भोजपुर पात्लेपानी गाउँपालिका वडा नं. ६ घर भई हाल काठमाण्डौ पेप्सिकोला बस्ने वर्ष २९को राजु राईको श्रीमती वर्ष २३ की सपना राई गम्भिर घाईते भई उपचारकोलागि मदरल्याण्ड अस्पताल पेप्सीकोला काठमाण्डौ लिगएको थियो । घाइते राईको थप उपचारकोलागि काठमाण्डौ मेडिकल कलेज सिनामंगल काठमाण्डौ लगिएकोमा उपचारकै क्रममा बुधबार राईको मृत्यु भएको प्रहरीद्वारा जारी विज्ञप्तिमा उल्लेख छ । लाश सोही अस्पतालमा राखिएको र नीजकी छोरी वर्ष ३ की ईश्वरी राई उपचार पश्चात डिस्चार्ज भएको प्रहरीका सूचना अधिकारी टेकेन्द्र शर्मा पौडेलले जनाएको छ । दुर्घटनामा परेको सवारी साधन र कार चालक रामेछाप सुनापाती गाउँपालिका वडा नं. १ घर भई हाल काठमाण्डौ बुढानिलकण्ठ नगरपालिका वडा नं. ४ बस्ने वर्ष ३४को कृष्णप्रसाद गौतमलाई प्रहरी बृत्त ठिमी भक्तपुरको नियन्त्रणमा राखिएको छ । घटना बारे थप अनुसन्धान भई रहेको सूचना अधिकारी पौडेलले जनाएको छ ।
