रेडियो जनसञ्चार स्थापना दिवसको अवसरमा स्वास्थ्य शिविर र अन्तरक्रिया आयोजना
सुरेशप्रसाद सायंजू, रेडियो जनसञ्चार
भक्तपुर, चैत्र ११ गते
रेडियो जनसञ्चारको १४ औं र जनसञ्चार टेलिभिजनको दोस्रौं स्थापना दिवसको अवसरमा भक्तपुरमा शनिबार स्वास्थ्य शिविर तथा अन्तरक्रिया कार्यक्रम आयोजना गरेको छ । स्वास्थ्य शिविरमा प्रेसर तथा सुगर परिक्षण र फिजियोथेरापी परामर्श सेवा दिएको थियो । एभरेष्ट न्याचुरल हेल्थ केयर सेन्टर र भक्तपुर हर्ट एण्ड डाइबेटिज सेन्टरको प्राविधिक सहयोग गरेको थियो ।
२०६५ साल चैत्र ११ गतेबाट प्रशारणमा आएको रेडियो जनसञ्चारले जनताको आवाज, जनताको विचार उद्घोषण गर्दै समुदायमा आधारित रेडियोको रुपमा जनताको आवाज बोल्दै आएको भन्दै सहभागि श्रोता समुदायले रेडियो जनसञ्चार बन्द भए जनताको आवाज पनि बन्द हुने उल्लेख गर्दै सहभागि श्रोता समुदायले जनताको आवाज बोल्न रेडियो जनसञ्चारको प्रशारण क्षमता अझै बृद्धि गर्न जोड दिएका थिए ।
