भक्तपुर अस्पतालमा मुख्यमन्त्री जनता स्वास्थ्य उपचार तथा परिक्षण सुरु गर्ने तयारी
भक्तपुर, फाल्गुण १९ गते
भक्तपुर अस्पतालले बागमती प्रदेश मुख्यमन्त्री जनता स्वास्थ्य उपचार तथा परिक्षण कार्यक्रम सुरु गर्ने भएको छ । अस्पतालको सेवा विस्तारका सम्बन्धमा आज अस्पतालले आयोजना गरेको पत्रकार अन्तरक्रिया कार्यक्रममा अस्पतालका मेसु डाक्टर सुमित्रा गौतमले आईतबार देखि मुख्यमन्त्री जनता स्वास्थ्य जाँच तथा परिक्षण कार्यक्रम सुरु गर्ने भएको जनाएका हुन । अस्पतालबाट उत्पन्न हुने फोहरलाई समेत मोहर बनाएर अस्पतालको सेवा सुविधाहरु ब्यवस्थित गर्दै आएको भन्दै उहाँले १०१ कर्मचारी अस्पतालको अन्तरिक श्रोतबाटै पाल्न सक्षम भएको बताउनु भयो ।
२०९ शेय्या क्षमताको भक्तपुर अस्पतालले बिगतमा रिफरसेन्टरको रुपमा परिचित रहे पनि हाल विशेषज्ञ अस्पतालको रुपमा २४ सैं घण्टा सेवा दिने गरी व्यवस्थापनको तयारीमा रहेको उहाँले बताए भने सहभागि पत्रकारहरुले विस्तारै सक्षम हुँदै आएकोमा सुखी ब्यक्त गर्दै जनताको स्वास्थ्य सेवामा भेडभाव नहुने गरी अन्य अस्पतालहरुको तुलनामा भक्तपुर अस्पताल अझै सक्षम हुनुपर्नेमा जोड दिए । अस्पताल व्यवस्थापन समितिका अध्यक्ष रमन कायष्ठले भक्तपुर अस्पताललाई भक्तपुरवासीको लागि मात्र नभई देशवासीको स्वास्थ्य उपचारका लागि सक्षम बनाउन लागि पर्ने कुरा बताए ।
