नागरिकता विद्येयक विरोध नेमकिपाका विरोध जुलुस र सभा
काठमाण्डौं, असोज १गते
सच्चा नेपालीलाई सहजरुपमा नागरिकता दिनुपर्ने तर सहयोग गरेको नाममा विदेशीलाई नागरिकता दिने र देशका प्राकृतिक सम्पतिहरु एक एक गरी विदेशीलाई सुम्पन्दै जाने सरकारको रबैयाले भविष्यमा देशको सार्वभौमिकता खतरामा पर्ने कुरा औल्याउँदै नेमकिपाका सांसद प्रेम सुवालले आमाबुबा दुबै नेपाली नागरिकका सन्तानहरुले मात्रै नेपाली नागरिकता पाउने ब्यवस्था हुनुपर्नेमा जोड दिनु भएको छ । नेपाल मजदुर किसान पार्टीले शुक्रबार काठमाण्डौंको रत्न पार्कमा आयोजित विरोध जुलुस तथा सभामा बोल्दै सांसद सुवालले भारतमा नागरिकता पाउन ७ वर्ष कुर्नुपर्ने तर नेपालमा बस र सिनेमाको टिकट जस्तै नागरिकता पाउने गरी सत्तासिन दलहरुले विद्येयक पास गर्नु देशघाटी कदम भएको बताउनु भयो । सांसद सुवालले जन्मको आधारमा बंशजको नागरिकता दिन्नै नहुनेमा नेमकिपाले निरन्तर विरोध गदै आएको बताउनु भयो । देशघाटी नागरिकता विद्येयकलाई राष्ट्रपति र अदालतबाट पनि रोक्नुपर्नेमा जोड दिँदै देशलाई फिजीकरण, सिकिमिकरण हुनबाट जोगाउनुपर्नेमा जोड दिएका छन् । लोकतान्त्रिक मुलुकमा दलहरुलाई ३ प्रतिशतको प्रावधान राख्नु गलत भएको भन्दै निर्वाचन घोषणा पत्र अनुसार काम गरे नगरेको कुरा महत्वपूर्ण हुने बताउनु भयो । कार्यक्रममा बागमति प्रदेशका सांसद सुरेन्द्रराज गोसाई, नेमकिपा केन्द्रीय सदस्य नारायण महर्जन, नेक्रायुसंघका मिनबहादुर बाताले पनि बोल्नु भएको थियो ।
