भक्तपुरका थप एक जना संक्रमितको मृत्यु आईतबार थपिए ६८ जना पोजेटिभ
भक्तपुर, कार्तिक २३ गते
भक्तपुरमा आईतबार थप एक जना कोरोना संक्रमितको मृत्यु भएको छ । साथै थप ६८ जना कोरोना संक्रमित थपिएसँगै कुल संक्रमितको संख्या ६,६७३ जना पुगेको छ । संक्रमित मध्ये २ हजार ३२५ महिला र ३,०६२ जना पुरुष गरी ५,३८७ कोरोनामुक्त भएको स्वास्थ्य कार्यालय भक्तपुरका प्रमुख कृष्णवहादुर मिजारले बताउनु भये । उहाँका अनुसार आईतबार थपिएका ६८ जना मध्ये भक्तपुर नगरपालिकाका ८ महिला र १२ पुरुष गरी २०, मध्यपुर थिमी नगरपालिकाका १४ महिला र ९ पुरुष गरी २३ जना, सूर्य विनायक नगरपालिकाका १२ महिला र १० पुरुष गरी २२ जना, चाँगुनारायण नगरपालिका १ महिला र १ पुरुष गरी २ जना तथा सम्पर्क बिहिन भएका १ जना कोरोना संक्रमित रहेका छन् । आईतबार थप मृत्यु भएका १ जना पुरुष सहित जिल्लामा कोरोनाका कारण मुत्यृ हुनेको संख्या २५ महिला र ५८ पुरुष गरी ८३ पुगेको छ । अहिले सक्रिय संक्रमितको संख्या ५५५ महिला र ६४८ पुरुष गरी १,२०३ सक्रिय कोरोना संक्रमित रहेको स्वास्थ्य कार्यालय भक्तपुरले जनाएको छ ।
