राष्ट्रिय भारोत्तोलन प्रतियोगिता आजबाट सुरु
भक्तपुर, पुस २४ गते
मध्यपुर थिमीमा राष्ट्रिय भारोत्तोलन प्रतियोगिता आजबाट सुरु भएको छ । नेपाल भारोत्तोलन संघले भक्तपुरको मध्यपुर थिमीस्थित थिमी व्याक्वेटमा आजबाट प्रतियोगिता सुरु गरेका हुन । संघको शाखा कार्यालय रहेका २१ जिल्ला सहित देशका विभिन्न क्षेत्रबाट महिला र पुरुष गरी २ सय जना खेलाडीले प्रतियोगितामा सहभागिता जनाएको छ ।
हरेक वर्ष राष्ट्रिय स्तरमा आयोजना हुँदै आएको भारोत्तोलन प्रतियोगिता यस वर्ष भक्तपुरमा आयोजना गरेको चर्चा गर्दै संघका अध्यक्ष रामकृष्ण श्रेष्ठले प्रतियोगितामा जुनियर देखि सिनियरसम्मका खेलाडीहरु प्रतियोगितामा प्रतिस्पर्धा भएको बताए । नयाँ खेलाडीहरुलाई पनि राष्ट्रियस्तरको प्रतियोगितामा खेल्ने अवसरको रुपमा प्रतियोगिता आयोजना भएको उहाँले बताए । विभिन्न १० विदामा २६ औं पुरुष र ११ औं महिला राष्ट्रिय भारोत्तोलन प्रतियोगिता आयोजना भएको भन्दै अध्यक्ष श्रेष्ठले प्रतियोगिताको पूर्व उपप्रधानमन्त्री विमलेन्द्र निधीबाट आज दिउँसो उद्घाटन भएको उहाँले बताए ।
कूल ८६ लाख लागत इष्टिमेटमा आयोजित सो प्रतियोगिताको पुरस्कार वितरण विहिबार दिउँसो आयोजना हुने भन्दै अध्यक्ष श्रेष्ठले आज र भोली दिनभर प्रतियोगिता आयोजना गरी पर्सिको दिनमा केही फाइनल मात्र देखाएर विजयी खेलाडीहरुलाई पुरस्कृत गर्ने तयारी रहेको अध्यक्ष श्रेष्ठले जनसञ्चार खवरलाई जानकारी दिएको छ ।
