नेपालमा थप ११ सय जनामा कोरोना भाइरसको सङ्क्रमण पुष्टि, थप १ हजार ६ सय ६० जना सङ्क्रमणमुक्त, २१ संक्रमितको मृत्यु ।
नेपालमा थप ११ सय जनामा कोरोना भाइरसको सङ्क्रमण पुष्टि भएको छ । गत २४ घण्टामा देशभर १० हजार ९ सय १६ जनाको परीक्षण गर्दा १ हजार १ सय ४६ जनाको रिपोर्ट पोजेटिभ आएको स्वास्थ्य तथा जनसङ्ख्या मन्त्रालयले जनाएको छ । मन्त्रालयका अनुसार २४ घण्टामा १ हजार ६ सय ६० जना सङ्क्रमणमुक्त भएका छन् भने २१ जनाको मृत्यु भएको छ । देशभर २७ हजार ९५८जना सक्रिय सङ्क्रमित छन् । जसमध्ये ४५८ जनाको सघन उपचार कक्ष आइसीयूमा र १४५ जनाको भेन्टिलेटरमा उपचार भइरहेको छ । २६ हजार २९६ जना सङ्क्रमित होम आइसोलेशनमा र १ हजार ६६२ जना संस्थागत आइसोलेशनमा रहेका मन्त्रालयले जनाएको छ ।
