भक्तपुर नगरका प्रथम नगर प्रमुख सायंजूप्रति श्रद्धाञ्जली अर्पण
नगर प्रमुख सुनिल प्रजापतिद्वारा भक्तपुरका प्रथम नगर प्रमुख रत्नसुन्दर साँयजुप्रति श्रद्धाञ्जली अर्पण
भक्तपुर, असार २४ । भक्तपुर नगरपालिकाका नगर प्रमुख सुनिल प्रजापतिले भक्तपुरका प्रथम नगर प्रमुख स्वर्गीय रत्नसुन्दर साँयजुप्रति श्रद्धाञ्जली अर्पण गर्दै महाराजगञ्जस्थित निवासमा पुगेर शोकसन्तप्त परिवारजनप्रति समवेदना व्यक्त गर्नुभयो।
वि।सं। १९८१ असोज २९ गते भक्तपुर नगरपालिका वडा नं। ४ को नासमना टोलमा जन्मनुभएका रत्नसुन्दर साँयजु वि।सं। २०८३ असार १७ गते १०२ वर्षको उमेरमा निधन हुनुभएको हो। उहाँको निधनप्रति दुःख व्यक्त गर्दै नगर प्रमुख प्रजापतिले भक्तपुरको विकासमा उहाँले पुर्याउनुभएको योगदान सदैव स्मरणीय रहने बताउनुभयो । नगर प्रमुख प्रजापतिले स्वर्गीय साँयजुको योगदान भक्तपुरको इतिहासमा सदैव सम्मानका साथ स्मरण गरिने उल्लेख गर्दै शोकाकुल परिवारजनप्रति समवेदना व्यक्त गर्नुभयो।
स्वर्गीय साँयजु वि।सं। २०१० देखि २०१४ सालसम्म भक्तपुरको प्रथम नगर प्रमुखका रूपमा कार्यरत रहनुभएको थियो।
उहाँले जनकपुर चुरोट कारखाना, बासबारी छाला तथा जुत्ता कारखाना, हुलाक विभाग र वाणिज्य विभागमा प्रमुखका रूपमा समेत जिम्मेवारी निर्वाह गर्नुभएको थियो। साथै, भक्तपुर विकास सहयोग संघका संस्थापक सदस्य तथा वरिष्ठ सल्लाहकारका रूपमा पनि उहाँ लामो समयसम्म सक्रिय रहनुभएको थियो।
स्वर्गीय साँयजुको परिवारमा धर्मपत्नी राजेश्वरी साँयजु, तीन छोरा र पाँच छोरी रहेका छन्।
सोही क्रममा भक्तपुर नगरपालिका वडा नं। ४ का वडाध्यक्ष उपेन्द्र सुवालको पनि उपस्थिति रहेको थियो।
