सवारी दुर्घटनाबाट मध्यपुर थिमीमा एकको मृत्यु
मध्यपुर, श्रावण ८ गते
मध्यपुर थिमीमा हिजो भएको सवारी दुर्घटनामा एक जनाको मृत्यु भएको महानगरीय प्रहरी परिसर भक्तपुरले जनाएको छ । काठमाण्डौबाट भक्तपुर आइरहेको प्रदेश ३-०२-००६ प. ९०३५नं.को स्कुटी अचानक अनियन्त्रित भई सोही दिशातर्फ गइरहेको लुम्बिनी २ ख १९०४को खाली टिपरको पछाडिको भागमा ठोक्किन जाँदा स्कुटी चालक तेह्रथुम साप्ला वडा नं. ५ घर भई हाल भक्तपुरस्थित कौशल्टार साँगबारी बस्ने बर्ष २१को नविन पुदुङ(लिम्बु)को मृत्यु भएको सूचना अधिकारी राजन कार्कीद्वारा आज जारी विज्ञप्तिमा उल्लेख छ । दुर्घटनापश्चात घाइेते भएका लिम्बुलाई भक्तपुर ईन्टरनेशनल अस्पतालमा भर्ना गरिएकोमा उपचारकोक्रममा आज १२ः२२मा मृत्यु भएको प्रहरीले जनाएको छ । दुर्घटना पश्चात टिपर चालक काभ्रे भुम्लु गाँउपालिका वडा नं. १० बस्ने वर्ष २६को पुजन शाहलाई प्रहरी बृत्त ठिमीले नियन्त्रणमा लिई घटनाको सम्बन्धमा थप अनुसन्धान कार्य भइरहेको जनाएको छ।
