अबैध माटो र काठ ल्याउने ३ जना प्रहरी नियन्त्रण्मा
भक्तपुर, असार १५ गते
अबैध रुपमा माटो उत्खनन् गर्ने जे.सि.बि सहित अबैध काठको गाडी भक्तपुर प्रहरीले नियन्त्रणमा लिएको छ । चाँगुनारायण नगरपालिका वडा नं. ४ खोरियाबाट अनुमति विना माटो उत्खनन् गरिरहेको बा ३ क ३५२६ को जे.सि.बि. र सोहि स्थानमा अबैध रुपमा काठ ओसार प्रसार गरिरहेको बा ४ ख ९७९८ नं.को मिनि ट्रकलाई आईतबार चिलाउने काठको गोलिया भरि लोड गरेको सहित ३ जना मानिसहरुलाई प्रहरीले नियन्त्रणमा लिएको प्रहरीका सूचना अधिकारी एवं प्रहरी नायव प्रहरी उपरिक्षक प्रकाश जवेगुले जनाएको छ । जिल्ला प्रहरी परिसर भक्तपुरबाट खटिएको प्रहरी टोलीले सिन्धुलीस्थित दुधौली नगरपालिका वडा नं. ३ घर भई हाल काठमाण्डौ थली बस्ने वर्ष २४को कृष्ण बहादुर बि.क, चाँगुनारायण नगरपालिका वडा नं. ४ स्थित खोरिया बस्ने वर्ष ३१को रविन्द्र तामाङ र भक्तपुर नगरपालिका वडा नं. ४ मंगलाछे बस्ने वर्ष ४१को नारायणप्रसाद ग्वाछा रहेका छन् ।
