कोरोना भाइरसविरुद्धको २४ लाख मात्रा खोप हराएको नभइ तथ्याङ्कमा समावेश नभएको स्वास्थ्य तथा जनसङ्ख्यामन्त्री खतिवडाको भनाइ ।
स्वास्थ्य तथा जनसङ्ख्यामन्त्री विरोध खतिवडाले कोरोना भाइरसविरुद्धको खोपको २४ लाख मात्रा नहराएको तर यो तथ्याङ्कमा मात्रै समावेश हुन नसकेको दाबी गर्नुभएको छ । आज मन्त्री भएको एक सय दिन पुगेको अवसरमा मन्त्रालयमा आयोजित पत्रकार सम्मेलनमा उहाँले खोपको एकिन तथ्याङ्क सङ्कलन गर्ने काम भइरहेको बताउनुभयो । मन्त्रालयले खोप लगाउनको लागि प्रदेश, जिल्ला, स्थानीय तह हुँदै वडादेखि टोलटोल सम्म पु¥याएको र टोलटोलमा पुगेर खोप लगाउदा तथ्याङ्कमा समावेश हुन नसकेको हुन सक्ने दाबी गर्नुभयो ।
हराएको खोपको सम्बन्धमा मन्त्रालयले प्रमुख विशेषज्ञ डा.गुणराज लोहनीको संयोजत्वमा पाँच सदस्यीय छानबिन समिति गठन गरेको र चाँडै नै हराएको खोपका बारेमा जानकारी दिने पनि मन्त्री खतिवडाको भनाइ थियो । मन्त्री खतिवडाले आगामी वैशाख मसान्तसम्म लक्षित जनसङ्ख्या सबैलाई खोपको पूर्ण मात्रा प्रदान गर्ने लक्ष निर्धारण गरिएको र त्यसका लागि आवश्यक पर्ने खोपको मौज्दात सुनिश्चित गरिसकिएको पनि बताउनुभयो । उहाँले १२ वर्षदेखि माथिका सबैलाई खोप लगाइने जानकारी दिनुभयो ।
मन्त्री खतिवडाले कोभिड १९ विरुद्धको खोप अभियान राष्ट्रव्यापी रुपमा संचालन गरिएको , १२ देखि १७ बर्ष उमेर समुहका करिब ३४ लाख बालबालिकाहरूलाई खोप दिने काम शुरू गरिएको, सबै गर्भवती महिलाहरूलाई खोप दिने नीति अपनाइएको ,१८ बर्ष उमेर पुगेका सबैलाई बुस्टर डोज भ्याक्सिन प्रदान गर्ने निर्णय भएको लगाएतलाइ आफ्नो उपलब्धि भएको दाबी गर्नुभएको छ ।
११ बर्ष उमेर समुहको बाल बालिकालाइ समेत खोप प्रदान गर्न खोपको उपलब्धता सुनिश्चित भएको , ठुला अस्पतालहरूमा र जनघनत्व बढी भएका शहरका विभिन्न सार्वजनिक स्थानहरुमा खोप केन्द्र निर्धारण गरेर दैनिक रुपमा खोप प्रदान भइरहेको , खोप लगाएको क्यू .आर .कोड सहितको प्रमाण पत्र स्थानीय तहबाट उपलब्ध गराउन शुरु गरिएको लगाएतलाइ बिषयलाइ पनि आफ्नो उपलब्धि मान्नुभएको छ ।
