‘क्यान्सरको उपचारको पहुँचको दुरीलाई बन्द गरार्’ैं भन्ने नाराका साथ आज विश्व क्यान्सर दिवस नेपालमा पनि मनाइँदै
‘क्यान्सरको उपचारको पहुँचको दुरीलाई बन्द गरार्’ैं भन्ने नाराका साथ आज विश्व क्यान्सर दिवस नेपालमा पनि मनाइँदै छ । युनियन फर इन्टरनेसनल क्यान्सर कन्ट्रोल (युआइसीसी) ले हरेक फेब्रुअरी ४ तारिखमा विश्व क्यान्सर दिवस मनाउँदै आएको छ । दिवसको अवसरमा नेपालमा पनि क्यान्सरको क्षेत्रमा सक्रिय अस्पताल तथा सङ्घसंस्थाले विभिन्न सचेतनामूलक कार्यक्रम गर्दैछन् । पछिल्लो समय क्यान्सर पहिचान र उपचारमा नागरिकको पहुँच बढ्दै गएको वरिष्ठ क्यान्सर रोग विशेषज्ञ डा मदन पियाले बताउनुभयो । सरकारले दिने सहुलियतका कारण पनि क्यान्सरको उपचारमा जनताको पहुँच बढ्न थालेको उहाँकोे भनाइ छ । सुरुवाती अवस्थामा पहिचान गरेर उपचार गरेमा महिलाको स्तन क्यान्सर, डिम्बाशयको क्यान्सर र पाठेघरको क्यान्सर निको पार्न सकिने डा. पियाको भनाइ छ । अन्य क्यान्सर पनि सुरुको चरणमै पत्ता लागेर उपचार गर्दा निको हुने सम्भावना ९५ प्रतिशतसम्म रहने र अन्तिम अवस्थाको क्यान्सर छ भने ४–५ वर्षको हिसाबमा १२–१३ प्रतिशत निको हुने सम्भावना हुने चिकित्सकहरूको भनाइ छ । विश्व स्वास्थ्य सङ्गठनका अनुसार नेपालमा ३२ हजार क्यान्सरका बिरामी छन् । नेपालका स्वास्थ्य संस्थाले भने करिव ५० देखि ६० हजार क्यान्सरका बिरामी रहेको बताउँदै आएका छन् ।
