देशभर थपिए झन्डै ७ हजार नयाँ सङ्क्रमित, थप ३ जनाको मृत्यु ।
नेपालमा गत २४ घन्टामा झन्डै ७ हजार नयाँ सङ्क्रमित थपिएका छन् । स्वास्थ्य तथा जनसङ्ख्या मन्त्रालयका अनुसार गत २४ घन्टामा १७ हजार ४ सय ६५ कोरोना परीक्षण गर्दा ६ हजार ७ सय ३४ जनामा कोरोना सङ्क्रमण पुष्टि भएको हो । मन्त्रालयले सार्वजनिक गरेको अद्यावधिक तथ्याङ्क अनुसार गत २४ घन्टामा थप ३ जनाको मृत्यु भएको छ भने ५ सय ४७ जना स्वस्थ भएका छन् । हालसम्म नेपालमा कोरोनाका कारण ९ लाख ६१ हजार ९ सय ४० जना सङ्क्रमित भइसकेका छन् । जबकी हालसम्म सङ्क्रमित भएकामध्ये ८ लाख १६ हजार ९ सय ८५ जना स्वस्थ भएका छन् भने ११ हजार ६ सय २३ जनाको मृत्यु भइसकेको छ । हाल देशभर ३० हजार ८ सय ७७ सक्रिय सङ्क्रमित रहेका छन् ।
