पछिल्लो २४ घण्टामा नेपालमा थप ९५३ जनामा कोरोना भाइरसको सङ्क्रमण पुष्टि, थप एक हजार ३७१ जना संक्रमणमुक्त, ६ संक्रमितको मृत्यु ।
पछिल्लो २४ घण्टामा नेपालमा ९५३ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार आज १० हजार ५७९ जनामा कोरोना परीक्षण गर्दा सो संख्यामा सङ्क्रमित थपिएका हुन् । पिसिआर विधिबाट ७ हजार ५० जना र एन्टिजेनबाट ३ हजार ५२९ जनाको परीक्षण भएको छ ।
त्यस्तै, आज एक हजार ३७१ सङ्क्रमित निको भएका छन् । सङ्क्रमणबाट पछिल्लो २४ घण्टामा ६ जनाको मृत्यु भएको छ । अहिले सम्म कोरोनाको सङ्क्रमणबाट नेपालमा ११ हजार ८७ जनाको मृत्यु भएको छ । यस्तै हाल १९ हजार ७०० सक्रिय सङ्क्रमित छन् ।
यस्तै, काठमाडौं उपत्यकामा थप ३११ कोरोना सङ्क्रमित थपिएका छन् । काठमाडौंका १९८ , ललितपुरका ७३ र भक्तपुरमा ४० जनामा कोरोना सङ्क्रमण पुष्टि भएको मन्त्रालयले जनाएको छ ।
