चिनबाट थप ४४ लाख मात्रा कोरोनाविरुद्धको खोप काठमाडौँ आईपुग्यो ।
थप ४४ लाख मात्रा कोरोनाविरुद्धको खोप लिएर नेपाल वायुसेवा निगमको जहाज आज काठमाडौँ आईपुगेको छ । निगमको जहाज गएराति ११ बजे बेइजिङ गएको र आज दिउँसो २ बजे काठमाडौँ आएको महाप्रबन्धक डीमप्रकाश पौडलले बताउनुभयो । यो खोप यही असोज ४ गतेदेखि लगाउने तयारी सरकारको छ । नेपालमा कोरोनाविरुद्धको खोप लगाउनेको सङ्ख्या भने १ करोड १५ लाख नाघेको छ । हालसम्म नेपालमा ६० लाख ५७ हजार १ सय ९४ जनाले पहिलो मात्रा लगाएका छन् भने ५४ लाख ७३ हजार १ सय ५१ जनाले पूर्ण मात्र लगाएको स्वास्थ्य तथा जनसङ्ख्या मन्त्रालयले जनाएको छ ।
