तःमुज्याको न्हुँ दया भिन्तुना अनलाइनबाट सुरु
भक्तपुर, कार्तिक ३० गते
जनता बाँचे, भाषा बाँच छ, भन्ने उद्घोषका साथ नेपाल भाषा साहित्य तःमुज्याले नेपाल सम्बत ११४१ नयाँ वर्षको अवसरमा अनलाईनबाट भिन्तुना कार्यक्रम आयोजना गरेको छ । हरेक वर्ष नेपाल सम्बतको पहिलोदिन भिन्तुना र्याली गर्दै आएको तःमुज्याले यसपालि कोरोना भाइरस संक्रमणको जोखिमका कारण अनलाईनबाटै भिन्तुना कार्यक्रम आयोजना गरेको हो ।
भाषासेवी जगतसुन्दर मल्ललाई स्मरण गर्दै नेपाल मजदुर किसान पार्टीका अध्यक्ष एवं वरिष्ठ राजनीतिज्ञ नारायणमान विजुक्छेको प्रमुख आतिथ्यतामा नेपाल भाषा साहित्य तःमुज्याले अनलाईन भिन्तुना कार्यक्रम आयोजना गरेको हो ।
तःमुज्याका अध्यक्ष चन्द्रवहादुर उलकको सभापतित्वमा भएको सो कार्यक्रममा नेपाल मजदुर किसान पार्टीका सचिव एवं साँसद प्रेम सुवाल, भक्तपुर नगरपालिकाका मेयर सुनिल प्रजापति, प्रदेश सांसद सुरेन्द्रराज गोसाई, सृजना सैंजू, जनसाहित्य गोष्ठी काठमाण्डौका नारायण महर्जन, ललितपुरका महेन्द्र ब्रम्हाचार्य काभ्रेबाट डा. हरिप्रसाद मानन्धर लगायतका बक्ताहरुले कोरोना भाइरसको परिक्षण र उपचार सरकारले गर्नुपर्नेमा जोड दिन्दै शिक्षा र स्वास्थ्य निःशुल्क गरी समाजबाद उन्मुख कार्यबाट सरकारले हात झिक्दै गरेकोमा आपति जनाउँदै महामारी नियन्त्रणसँगसँगै सरकारको गलत कार्यको विरोध गर्दै जानुपर्नेमा जोड दिएको छ ।
