आज २८५६ थप संक्रमित, सक्रिय संक्रमति ४५ हजार ५७२
काठमाण्डौ, कार्तिक ९ गते
काठमाण्डौ उपत्यकाका १ हजार ५३५ जना सहित आज देशभर २ हजार ८५६ जनामा थप कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । आज थपिएका कोरोना संक्रमितसँगै कुल संक्रमतिको संख्या १ लाख ५८हजार ८९ जना पुगेको छ । पछिल्लो २४ घण्टामा १२ हजार ३११ जनाको आरटी पीसीआर परीक्षण गर्दा २ हजार ८५६ जना संक्रमित थपिएका थिए भने ३ हजार ३३६ जना कोरोना संक्रमित निको भएर घर फर्किएपछि कोरोना निको हुनेको संख्या १ लाख ११ हजार ६७० पुगेको छ । अहिले सक्रिय संक्रमितको संख्या ४५ हजार ५७२ जना छन् । पछिल्लो २४ घण्टामा कोरोना संक्रमित ५ जनाको मृत्यु भएको छ । योसँगै कोरोना संक्रमितबाट मृत्यु हुनेको संख्या ८४७ पुगेको छ।
काठमाण्डौ उपत्यकामा आज ९०६ पुरुष र ६२९ महिला गरी १ हजार ५३५ जना संक्रमित थपिएका थिए । तिनिहरु मध्ये काठमाण्डौ जिल्लाका मात्रै १ हजार २२५, ललितपुरका १ सय ४७ जना र भक्तपुरका १६३ जना रहेका थिए । काठमाण्डौ उपत्यकामा देखिएका ४५ हजार ४४५ संक्रमितहरु मध्ये हाल २३ हजार ७५० संक्रमित रहेको मन्त्रालयले जनाएको छ । देशभर कोरोनाबाट मृत्यु भएका ८४७ जना मध्ये उपत्यकाकै ३०३ जना रहेका छन् ।
