भक्तपुर, चैत्र १८ गते
कोरना भाइरसको विश्वव्यापी महामारीले देशमा लकडाउन थपिएपछि घर फर्किनको संख्या बढेको छ । घर फर्किन चाहनेहरुले जिल्ला प्रसशासन कार्यालय भक्तपुरमा निवेदन लिएर सवारी पास र घर फर्कनेहरुको विवरण बुझाउनुपर्ने हुन्छ । यसरी घर फर्किनेहरुका लागि प्रसाशनले पनि सहजिकरण गरी दिएको छ । सामान्यतया जिल्लाका एक ठाउँबाट अर्को ठाउँसम्म पुग्नलाई खासै समस्या महसुस नगरिए पनि बाहिरी जिल्लाबाट भक्तपुर बसोवास गर्दै आएका समुदायलाई भने आ आफ्नो घर फर्किन यतिबेला निकै गाह्रो महसुस गरी रहेका छन् । सार्वजनिक सवारी नचलेको बेला घण्टौ लगाएर प्रसाशनबाट पास लिएर पनि घर फर्किने अवस्था नभएपछि जिल्ला जिल्ला जाने समुदाय मिलेर एउटै गाडीमा घर जाने व्यवस्थापनमा जुतेका हुन । यसैले सोमबार जिल्ला प्रशासन कार्यालयमा पास लिन आउनेको संख्या सयौंको थियो । तिनीहरुलाई लाइनमा राखेर आफ्नो बिवरण बुझाउन प्रहरीले अनुरोध गर्दै थिए । सहभागिहरु बीच दुरी कायम गराउदै लाइनबद भएपछि क्रमिकरुपमा तिनीहरुको विवरण लिन्दै प्रसाशनले सवारी पास दिन थालेको हो । अतिआवश्यक काममा जानेको लागि विहान १० बजे देखि १२ बजेसम्म पास दिने व्यवस्था गरिएको भए पनि मंगलबार देखि थपिएको लकडाउनका कारण घर फर्किनेको संख्या सोमबार बढेको थियो । एउटा गाडीमा २५ जना भन्दा बढी नहुने गरी प्रसाशनले घर फर्कन चाहनेहरलाई सवारी अनुमति प्रदान गर्दा सोमबार दिनभरी नै सवारी पास लिनेको हुल जमेको थियोे ।
