भक्तपुरमा १९५ जना सहित देशभर थप ४९२९ संक्रमित ३५ जनाको मृत्यु ८८८ कोरोना मुक्त
भक्तपुर, बैशाख १६ गते ।
पछिल्लो २४ घण्टामा भक्तपुरका १९५ जना सहित देशभर ४ हजार ९ सय २९ जनामा कोरोना भाइरस सङ्क्रमण पुष्टि भएको छ । १२ हजार ५ सय ९७ पीसीआर परीक्षणमा ४ हजार ८ सय ३१ जना र ९ सय ६३ एन्टिजेन परीक्षणमा ९७ जना गरी ४ हजार ९ सय २९ जना सङ्क्रमित भएको स्वास्थ्य तथा जनसङ्ख्या मन्त्रालयले जनाएको छ । कोरोना सङ्क्रमणबाट थप ३५ जनाको मृत्यु भएको छ । योसँगै नेपालमा कोरोना भाइरस सङ्क्रमणबाट मृत्यु हुनेको सङ्ख्या ३ हजार २ सय ४६ पुगेको छ । पछिल्लो २४ घण्टामा कोरोना सङ्क्रमणमुक्त हुनेको सङ्ख्या भने ८ सय ८८ रहेको मन्त्रालयले जनाएको छ । अहिले देशभर ३४ हजार एक सय १७ जना सक्रिय सङ्क्रमित छन् । काठमाडौँ उपत्यकामा पछिल्लो २४ घण्टामा एक हजार ५ सय ६१ जनामा कोरोना सङ्क्रमण पुष्टि भएको छ । काठमाडौँका एक हजार एक सय २७ जना, भक्तपुरका एक सय ९५ जना र ललितपुरका २ सय ५२ जनामा कोरोना सङ्क्रमण देखिएको हो । भक्तपुरमा बिहिबार संक्रमित भएका १ सय ९५ जना मध्ये मध्यपुर थिमी नगरपालिकामा ४१ पुरुष र २८ महिला सहित ६९ जना संक्रमित भएका छन् भने सूर्यविनायक नगरपालिकाका २८ पुरुष र २२ महिला गरी ५० जना संक्रमित भए । भक्तपुर नगरपालिकाका १६ पुरुष र १३ महिला गरी २९ जना तथा चाँगुनारायण नगरपालिकाका १७ जना पुरुष र ९ जना महिला सहित २६ जनामा संक्रमण पुष्टि भएको स्वास्थ्य कार्यालय भक्तपुरले जनाएको छ । अन्य सम्पर्क बिहिन २१संक्रमितहरुमा ९ जना पुरुष र १२ जना महिला रहेको समेत स्वास्थ्य कार्यालय भक्तपुरका प्रमुख कृष्णवहादुर मिजारले जनाएको छ ।
