आज थप ४ हजार ८९७ जनामा कोरोना भाइरसको सङ्क्रमण पुष्टि
नेपालमा आज ४ हजार ८९७ जनामा कोरोना भाइरसको सङ्क्रमण पुष्टि भएको छ । २४ घण्टामा १३ हजार ८ सय ७९ पीसीआर परीक्षणबाट ४ हजार ७ सय ७४ जनामा सङ्क्रमण पुष्टि भएको छ । त्यसैगरी ९ सय ५५ एन्टिजेन परीक्षणमा १ सय २३ जनामा पोजिटिभ देखिएको छ । पीसीआर र एन्टिजेन गरी सङ्क्रमितको संख्या ४ हजार ८९७ पुगेको छ । २४ घण्टामा ७ सय ७३ जना निको भएका छन् । अस्ति सोमबार देखि आज सम्म सम्म ४० हजार ९५१ पीसीआर परीक्षणमा १२ हजार ५ सय ८० मा सङ्क्रमण पुष्टि भएको मन्त्रालयको तथ्यांकले देखाएको छ । आज काठमाडौंमा १४ सय ६४, भक्तपुरमा २ सय ३२ र ललितपुरमा ३ सय ५१ गरी २०४७ जनामा सङ्क्रमण पुष्टि भएको छ । नेपालमा सक्रिय सङ्क्रमितको संख्या ३० हजार नाघेको छ । हालसम्म सक्रिय सङ्क्रमितको संख्या ३० हजार २०९ रहेको छ ।
