नगरको फोहर व्यवस्थापनमा देखियो प्रदुर्षणको समस्या, समाधानको उपाय खोज्दै
भक्तपुर,
भक्तपुर नगरको फोहर प्रशोधन केन्द्रबाट प्रदुर्षण फैलिएको भन्दै स्थानीयले विरोध जनाएका छन् । गत माघ महिना देखि नगरको फोहरलाई सो स्थानमा लगि कुहिने र नकुहिने छुट्याएर फोहर व्यवस्थापन थालिको विषयमा पछिल्लो समयमा दुर्गन्ध बढेको गुनासो गर्दै नियमानुसार प्रदुर्षण नहुने गरी मात्रै फोहर व्यवस्थापन गर्न सुझाएका हुन् । फोहर व्यवस्थापनको सुरु सुरुमा व्यवस्थित भएपनि गर्मीयाम र खुल्ला रुपमा फोहर भण्डारण गर्दा दुर्घन्द बढेको भन्दै बटुवा, स्थानियवासी एवं चानपा ५का समुदायले फोहर व्यवस्थापन सम्बन्धि नीतिगत व्यवस्थालाई परिपालन गरेर मात्रै फोहर व्यवस्थापन गर्न आग्रह गरेका छन् ।
भक्तपुर नगरपालिकाले घर घरबाट आएको फोहरलाई कुहिने र नकुहिने गरी सो केन्द्रबाट छुट्टाएर कम्पोस्ट मल बनाउने, पुनः प्रयोग गर्न मिल्ने सामग्रीको फोहरलाई मोहर बनाउने र काम नै नलागेका फोहरलाई सिसडोलसम्म पुर्याउने योजनासहित भक्तपुर नगरपालिका वडा नं. १०स्थित चिलखामा फोहर प्रशोधन केन्द्र बनाएका हुन ।
सो समस्याबारे भक्तपुर नगरपालिका र स्थानीय समुदाय बीच प्रदुर्षण न्यूनिकरणका सवालमा छलफल र सहमति हुनुपर्नेमा स्थानीयले जोड दिएका छन् भने भक्तपुर नगरपालिका स्यानिटेशन शाखाका प्रमुख हरि सुवालले नगरको फोहरलाई सो स्थानमा लगेर कुहिने र नकुहिने छुटाएर फोहर व्यवस्थापन गर्दै आएको बताउनु भयो । बढ्दो शहरीकरण र साघुँरो नगरको फोहर व्यवस्थापन प्रदुर्षणका कारण थप चुनौती बनेको छ । फोहर ल्याउँदा छोपेर, र फोहर नखस्ने तथा नचुहिने गरी लाउन सक्नुपर्ने, अवरपर फोहरको दुर्गन्ध नफैलिने गरी सरकारके नीतिगत मान्यता अनुसार मात्रै फोहर व्यवस्थापन गर्न आवश्यक भएकोमा स्थानीयको जोड छ । सो अवसरमा फोहर व्यवस्थापनमा साम्प्रदायिक विभेद गर्न नहुनेमा जोड दिइयो ।
