मथिनपाका १४ औ नगर सभामा बोदे ऐतिहासिक तथा सांस्कृति नगरी पुस्तक सार्वजनिक
मध्यपुर, असार १० गते
मध्यपुर थिमी नगरपालिकाको आज भएको १४ औं नगर सभामा बोदे ऐतिहासिक तथा सांस्कृतिक नगरी पुस्तक विमोचन गरिएको छ । लेखक सौरभ थापा श्रेष्ठद्वारा लिखित सो पुस्तकमा बोदेको सहरको नक्सा, संक्षिप्त परिचय, सांस्कृतिक पृष्ठभूमि, राजनीतिक सीमाना हेरफेर, भौगोलिक र प्राकृतिक परिवेश, कृषि परम्परा, शहरको बनवत र बास्तुकला, बोदेका चोकहरु, देव देवताहरुको सांस्कृतिक सम्पदाहरुको तस्विर सहितको जानकारीहरु प्रस्तुत गरिएको छ। मध्यपुर थिमी नगरपालिका वडा नं. ८मा रहेको बोदेको ऐतिहासिक तथा सांस्कृतिक विषयवस्तुलाई सो पुस्तकबाट प्रस्तुत गरिएको हो । सो पुस्तकको स्थानीय जनप्रतिनिधी रमेश थापा श्रेष्ठ, नगर प्रमुख सुरेन्द्र श्रेष्ठ, उपप्रमुख विजयकृष्ण श्रेष्ठ र नगरपालिकाका प्रमुख प्रशासकीय अधिकृत भोजराज घिमिरेले संयुक्त रुपमा विमोचन गरिएको थियो ।
सो अवसरमा नगर प्रमुख सुरेन्द्र श्रेष्ठले आर्थिक वर्ष २०८३।८४का लागि नगरपालिकाको नीति तथा कार्यक्रम प्रस्तुत गरेको थियो भने उपप्रमुख विजयकृष्ण श्रेष्ठले आव २०८३।८४कालागि ३ अर्ब ७१ करोड ८७ लाख ४१ हजारको बजेट प्रस्तुत गरिएको थियो साथै सो अवसरमा न्यायिक समितिको प्रतिवेदन २०८३, आन्तरिक राजस्व स्थिति पत्र प्रस्तुत गरेको थियो ।
