बिस्का र नयाँ वर्षका आगन्तुकहरुकालागि भक्तपुर औद्योगिक…… महोत्सव
भक्तपुर, चैत्र २९
हिजोबाट सुरु भएको ९ औं भक्तपुर औद्योगिक, साँस्कृतिक, पर्यटन, कृषि तथा ब्यापार महोत्सव विस्का जात्रा र नयाँ वर्ष मनाउनकालागि आकर्षक गन्तव्यस्थल बनेको छ । महोत्सवको एउटै स्थानमा मनोरञ्जन पार्क, साँस्कृतिक कार्यक्रम, बाल उदेन सहित दैनिक उपभोगिय सामग्री तथा लताकपडा एवं इलेक्टोनिक्स एवं अटोमोवाईलका आकर्षक स्थलहरु सहित एक सय पचास भन्दा बढी स्थलहरु रहेका छन् । घरेलु, कृषि, हस्तकलाका उत्पादन तथा आधुनिक प्रविधिहरुको प्रर्दर्शनी रहेको सो महोत्सव बैशाख ७ गतेसम्म आयोजना हुने छ । सल्लघारी चौर भक्तपुरमा आयोजना भइरहेको सो महोत्सव हरेक दिन विहान १० बजे देखि बेलुका ८ बजेसम्म खुल्ला रहेने आयोजक समितिले जनाएको छ । टिकट दर रु.८० र विद्यार्थीहरुकालागि रु. ५० मात्र राखिएको छ । तपाईले खोजे जस्तो सामान सोचे जस्तो मूल्यमा दैनिक नृत्य, साँगितिक तथा हाँस्यव्यग्य प्रस्तुुती बाल उद्यानकासाथै रोटेपिङ्ग लगायतका मनोरञ्जनका साधनहरु, स्थानीय तथा नेपाली खानाहरुका स्टलहरु, घरेलु, कृषि उत्पादन र आधुनिक प्रविधिका प्रदर्शनी तथा विक्री स्थल रहेको आयोजक औद्योगिक शान्ति नेपाल संस्था र मध्यपुर ब्वाईजले जनाएको छ । सो महोत्सव सम्पन्न पश्चात बैशाख १३ गते विशेष भक्तपुर साँगितिक महोत्सव आयोजना गर्ने घोषणा पनि गरिएको छ ।
